އެޗްޑީސީން ހުޅުމާލޭގައި އާބަން ފާމިންގެ ދެވަނަ މަޝްރޫއު އިއްޔެ އިފްތިތާހުކޮށްފި އެވެ.
އާބަން ފާބިންގެ ދެވަނަ މަޝްރޫއުގެ ދަށުން ގާއިމްކޮށްފައިވާ ދަނޑުވެރި ބިންތަކާއި ޕްލާޒާ އިފްތިތާހުކޮށްދެއްވީ ދަނޑުވެރިކަމާ ބެހޭ މިނިސްޓަރު ޑރ. މަރްޔަމް މާރިޔާ އާއި ޖަޕާނުގެ ސަފީރު އިޝިގާމީ ރުމީކޯ އެވެ.
އެޗްޑީސީން ބުނީ ޖަޕާންގެ ހިލޭ އެހީގައި ޔޫއެންޑީޕީ އާއި އެޗްޑީސީ ގުޅިގެން "ކޮމިއުނިޓީ އާބަން ފާމިން"ގެ ނަމުގައި ހިންގާ މި މަޝްރޫއަކީ ސަސްޓެއިނަބަލް އިކޮނޮމިކް އެމްޕަވަމަންޓް ފޯޑިވެލޮޕްމަންޓް އޮފް އެމްއެސްއެމްއީސް (ސީޑްސް) މަޝްރޫއުގެ ބައެއްގެ ގޮތުގައި ކުރިއަށް ގެންދާ މަޝްރޫއުއް ކަމަށެވެ.
Advertisement
މި މަޝްރޫއުގެ މަގުސަދަކީ ހުޅުމާލޭގައި ދެމެހެއްޓެނިވި ދަނޑުވެރިކަން ކުރިއަރުވައި، ދަނޑުވެރިންނަށް ބޭނުންވާ ވަސީލަތްތަކާއި އެކަށީގެންވާ ތަމްރީނުތައް ދިނުމުގެ އިތުރުން އެ މީހުން ހައްދާ ބާވަތްތައް ވިއްކައި, އެކަށީގެންވާ އާމްދަނީއެއް ހޯދޭނެ މަގުފަހިކޮށްދިނުން ކަމަށް ވެސް އެޗްޑީސީން ބުންޏެވެ.
