މިދިޔަ މަހު ހެންވޭރުގައި ހުންނަ ގެއެއްގެ ފުރާޅުމައްްޗަށް ވެއްޓުނު ހައްވާ ޔުމްނޔުމްނު ރަޝީދުގެ މައްސަލަ ތަޙްޤީޤުކުރުމަށް ދިވެހި ފުލުހުން ގަދައަޅައި މަސައްކަތްކުރަމުންދާކަން މިއަދު ހާމަވެއްޖެއެވެ.

ފުލުހުން މިއަދު ނެރުނު ބަޔާނެއްގައި ބުނެފައިވަނީ ޔުމްނުގެ އާއިލާގެ އެއްބާރުލުން ލިބުމާއެކު އޭނާއާ ސުވާލުކުރުމުގެ އިންތިޒާމު ހަމަޖެއްސުމަށް ތައްޔާރަށް ތިބިކަމަށެވެ. އެގޮތުން ޔުމްނު ފަރުވާއަށް މެލޭޝިއާއަށް ގެންދިޔަ ދުވަހުން ފެށިގެން ދެ ފުލުހުން މެލޭޝިއާގައި ތިބިކަމަށް ފުލުހުން ބުނެފައިވެއެވެ.

ފުލުހުން ބުނީ މިހާތަނަށް އާއިލާގެ ފަރާތުން އެއްބާރުލުން ލިބިފައިނުވާތީ، މެލޭޝިއާގެ ގާނޫނާއި ގަވާއިދާ އެއްގޮތްވާގޮތުގެ މަތިން، ތަޙްޤީޤަށް ބޭނުންވާ މަޢުލޫމާތު ހޯދުމަށް މެލޭޝިއާ ފުލުހުންނާ ގުޅިގެން މަސައްކަތް ކުރަމުންގެންދާ ކަމަށެވެ.

މި މައްސަލައިގައި ހައްޔަރުކޮށްފައިވާ ރައުދު އަޙްމަދު ޒިލާލް މިއަދު ހެނދުނު ވަނީ ބަންދުން ދޫކޮށްލާފައެވެ. އޭނާ ބަންދުން ދޫކޮށްލީ އިޖުރާއަތުތަކެއް ފުރިހަމަކުރަން ޖެހޭތީއެވެ. ނަމަވެސް އޭނާ އަކުން ހައްޔަރު ކުރަން ޖެހުން އެކަށީގެންވެއެވެ.