^{ޤަތަރުގެ ޝާހީ އާއިލާއިން ޓްރަމްޕަށް ހަދިޔާކުރާ މަތިންދާބޯޓު.}

ޤަތަރުގެ ރަސްކަންކުރާ ޝާހީ އާއިލާއިން އެމެރިކާގެ ކުރީގެ ރައީސް ޑޮނަލްޑް ޓްރަމްޕަށް 400 މިލިއަން ޑޮލަރުގެ އަގުހުރި ބޮއިންގ 747-8 މަތިންދާބޯޓެއް ހަދިޔާ ކުރަން ނިންމައިފިއެވެ. "އުދުހޭ ގަނޑުވަރު" ގެ ނަމުން މަޝްހޫރުވެފައިވާ މި މަތިންދާބޯޓަކީ ޓްރަމްޕްގެ ރިޔާސީ ދައުރުގައި ވަގުތީ އެއަރ ފޯސް ވަން ގެ ގޮތުގައި ބޭނުންކުރުމަށް ހަމަޖެހިފައިވާ އުޅަނދެކެވެ.

^{ޤަތަރުގެ ޝާހީ އާއިލާއިން ޓްރަމްޕަށް ހަދިޔާކުރާ މަތިންދާބޯޓުގެ އެތެރެ.}

މަސްދަރުތައް ބުނާ ގޮތުގައި މި މަތިންދާބޯޓުގެ އެތެރެ ފަރުމާކޮށްފައިވަނީ ކެބިނެޓް އަލްބަރޓޯ ޕިންޓޯއިންނެވެ. މީގެ އެތެރޭގައި ސިކަމޯ އަދި ވަކަޕޫ ލަކުޑިން ހަދާފައިވާ ތަކެއްޗާއި، އެލެގްޒެންޑަރ ކޯލްޑަރގެ ކުރެހުންތައް ހިމެނެއެވެ. މި މަތިންދާބޯޓުގައި 89 ފަސިންޖަރުންނަށް ދަތުރުކުރެވޭނެ ކަމަށާއި، އަދި 2 ކޮޓަރި ހިމެނޭ މި އުޅަނދަކީ ދުނިޔޭގެ އެންމެ ޒަމާނީ އަދި ފަޚުރުވެރި މަތިންދާބޯޓުތަކުގެ ތެރެއިން އެއް އުޅަނދު ކަމަށް ވެސް ޚަބަރު ލިބެއެވެ.

^{ޤަތަރުގެ ޝާހީ އާއިލާއިން ޓްރަމްޕަށް ހަދިޔާކުރާ މަތިންދާބޯޓުގެ އެތެރޭގައި ހަދާފައިވާ ކޮންފެރެންސް ޓޭބަލް.}

ފެބްރުއަރީ މަހު ޕާމް ބީޗް އިންޓަނޭޝަނަލް އެއަރޕޯޓުގައި ޓްރަމްޕް ވަނީ މި އުޅަނދު ބަލާލާފައެވެ. އަދި މި ހަފްތާގައި ޤަތަރަށް ކުރާ ދަތުރުގައި މި މަތިންދާބޯޓާއި ބެހޭ އެއްބަސްވުންތައް ހަދާނެ ކަމަށް ބެލެވެއެވެ.

ވައިޓް ހައުސްއިން ބުނެފައިވަނީ މި ހަދިޔާ ބަލައިގަންނާނީ ޤާނޫނުތަކާ އެއްގޮތަށެވެ.