ރައީސް ޑރ. މުޙައްމަދު މުޢިއްޒު ރައްޔިތުންނާއި ގާތުން މުޢާމަލާތްކުރެއްވުމަށް ކުރިއަށްގެންދަވާ "ރައްޔިތުންނާ އެކު" ޕޮޑްކާސްޓްގެ ފަސްވަނަ އެޕިސޯޑް މިއަދު މެންދުރު 1:00 ގައި ފޮނުވުމަށް ހަމަޖެހިފައިވާ ކަމަށް ރައީސް އޮފީހުން އިޢުލާނުކޮށްފިއެވެ.
މި ޕޮޑްކާސްޓަކީ ރައީސް މުޢިއްޒު ސަރުކާރުގެ މަސައްކަތްތަކާއި ސިޔާސަތުތަކުގެ މަޢުލޫމާތު ރައްޔިތުންނާއި ހިއްސާކުރެއްވުމަށާއި، ރައްޔިތުންގެ ސުވާލުތަކަށް ސީދާ ޖަވާބުދެއްވުމަށް ކުރިއަށްގެންދަވާ މުހިންމު މަސައްކަތެކެވެ. މިއީ ރައީސް މުޢިއްޒުގެ ހާމަކަން ބޮޑު ސިޔާސަތުގެ ތެރެއިން، ރައްޔިތުންނާ ގާތުން މުޢާމަލާތްކުރެއްވުމަށް ގެންގުޅުއްވާ އައު އުކުޅެކެވެ.
ފަސްވަނަ އެޕިސޯޑް ރާއްޖޭގެ ޓީވީ ޗެނަލްތަކުންނާއި، ރައީސް އޮފީހުގެ ވެބްސައިޓް އަދި ސޯޝަލް މީޑިއާ ޕްލެޓްފޯމްތަކުން ބެލޭނެއެވެ. މި ޕޮޑްކާސްޓް ހޯސްޓްކުރައްވަނީ މަޝްހޫރު ޕްރެޒެންޓަރު އަޙްމަދު ޝަކީބު (ޝަކީއްބެ) އެވެ.
Advertisement
ރައީސް މުޢިއްޒުގެ މި މަސައްކަތަކީ ރައްޔިތުންނާއި ގާތުން މުޢާމަލާތްކުރައްވައި، ސަރުކާރުގެ މަސައްކަތްތަކާ ބެހޭ މަޢުލޫމާތު ހާމަކަން ބޮޑު ގޮތެއްގައި ހިއްސާކުރެއްވުމަށް ކުރައްވާ މަސައްކަތެކެވެ. މިފަދަ ޕޮޑްކާސްޓެއް ކުރިއަށްގެންދެވުމަކީ ރާއްޖޭގެ ސިޔާސީ މަޝްރަޙުގައި އައު ކަމެއް ކަމުގައިވާއިރު، މިއީ ރައްޔިތުންނާއި ސަރުކާރާ ދެމެދު އޮންނަ ގުޅުން ބަދަހިކޮށް، ރައްޔިތުންގެ އިތުބާރު އިތުރުކުރުމަށް އެޅޭ މުހިންމު ފިޔަވަޅެއް ކަމުގައި ބެލެވެއެވެ.
