ބ. އޭދަފުށީގެ ބަނދަރު ސަރަހައްދުގައި ސީސީޓީވީ ކެމެރާ ހަރުކުރުމުގެ މަސައްކަތް ފުލުހުން އިއްޔެ ފަށައިފި އެވެ.
ފުލުހުން މިއަދު ބުނީ އޭދަފުށީ ބަނދަރު ސަރަހައްދުގައި ސީސީޓީވީ ކެމެރާ ހަރުކުރުމުގެ މަސައްކަތް އެ ރަށު ޕޮލިސް ސްޓޭޝަނުން ފަށާފައިވާ ކަމަށެވެ.
އެ ކެމެރާތަކަކީ އޭދަފުށީ ކައުންސިލުގެ ފަރާތުން އޭދަފުށީ ޕޮލިހަށް ހަދިޔާކުރި ކެމެރާތަކެއް ކަމަށް ވެސް ފުލުހުން ބުންޏެވެ.
ފުލުހުން ބުނީ ކުށްމަދު އަމާން މުޖުތަމައެއް ރަށްރަށުގައި ގާއިމްކުރުމަށް ކުރަމުން އަންނަ މަސައްކަތުގެ ދަށުން ކުރިއަށް ގެންދާ މި މަސައްކަތަކީ ފުލުހުންނާއި ކައުންސިލް ގުޅިގެން ރަށުގެ ސަލާމަތާއި ރައްކާތެރިކަން އިތުރަށް ވަރުގަދަކުރުމަށް ކުރަމުން އަންނަ މަސައްކަތެއް ކަމަށެވެ.
މި މަސައްކަތުގެ ދަށުން، މިހާރު ކުރަމުން އަންނަނީ އެ ރަށުގެ ބަނދަރު ސަރަހައްދުގައި ފައިބާ ކޭބަލް އެޅުމުގެ މަސައްކަތްތައް ކަމަށް ފުލުހުން ބުންޏެވެ.
