އިންޑިއާގެ ފުރަތަމަ ބްރޭންޑް އެމްބެސެޑަރަކަށް، މަޝްހޫރު ހިންދީ ފިލްމީ ތަރި އަނަންޔާ ޕާންޑޭ ހަމަޖައްސައިފިއެވެ.

އުމުރުން 26 އަހަރުގެ އަނަންޔާއަކީ އިންޑިއާގެ ފިލްމީ އިންޑަސްޓްރީގައި ވަރަށް ވަރުގަދަ ބަތަލާއެކެވެ. އެކްޓަރު ޗަންކީ ޕާންޑޭ އާއި ރިއަލިޓީ ޓީވީ ޝަހުސިއްޔަތު ބަވާނާ ޕާންޑޭގެ އަންހެން ދަރިފުޅު އަނަންޔާ ވަނީ "ކޯލް މީ ބޭ" (2024)، "ހޯ ގަޔޭ ހަމް ކަހާން" (2023) އަދި "ގެހްރަޔާން" (2022) ފަދަ ފިލްމުތަކުން ގިނަ ކާމިޔާބީތަކެއް ހޯދައިފައެވެ.

ޕެރިހުގައި ފާއިތުވި ހަފުތާގައި ބޭއްވި ޗެނެލްގެ ސްޕްރިންގް/ސަމާ 2025 ޝޯގައި އަނަންޔާ ފެނިގެން ދިއުމާ ގުޅިގެން އިންޑަސްޓްރީގެ ތަޖުރިބާކާރުން ވަނީ އޭނާ އެ މަގާމަށް އައްޔަން ކުރާނެ ކަމަށް ވަރަށް ބޮޑަށް އުންމީދުކޮށްފައެވެ. ބީއޯއެފްގެ މުމްބާއީ ޑިނާ ފަދަ އިވެންޓްތަކުން ފެނުނު މި ބްރޭންޑުގައި އޭނާ ގިނައިން އުޅޭ އިރު، އޭނާގެ 25.9 މިލިއަން އިންސްޓަގްރާމް ފޮލޯވަރުންނަށް އާންމުކޮށް ބްރޭންޑްގެ ވާހަކަތައް ކިޔައިދިނުމާއި ވޯގް އިންޑިއާ އާއި ގްރާޒިއާ އިންޑިއާގެ ފަހުގެ ކަވަރުތަކަށް ބްރޭންޑްގައި ސްޓައިލް ކޮށްލުމުން، އެ ބްރޭންޑާއެކު އުފެދިފައިވާ ގުޅުމުގެ އިޝާރާތެއް ވަނީ ލިބިފައެވެ.

ޗެނެލްގެ އޭޝިއާ ޕެސިފިކް ރީޖަނަލް ޑިރެކްޓަރު ރަވީ ތަކުރު ވިދާޅުވީ، "އަނަންޔާ ޕާންޑޭއަކީ އިންޑިއާގެ ޒުވާން ޖީލުގެ އައިކޮނިކް ޝަހުސިއްޔަތެކެވެ. އޭނާގެ ޓެލެންޓާއި ސްޓައިލް އަދި ގްލޯބަލް އެޕީލްއަކީ އަޅުގަނޑުމެންގެ ބްރޭންޑްގެ ވެލިއުތަކާަކާ ވަރަށް ބޮޑަށް ދިމާވާ ކަންކަމެވެ. އިންޑިއާގެ ލަގްޒަރީ މާކެޓުގައި އަޅުގަނޑުމެންގެ ހާޒިރީ އިތުރަށް ފުޅާކުރުމަށް އޭނާއާއެކު މަސައްކަތްކުރުމަށް އަޅުގަނޑުމެން ވަރަށް ބޮޑަށް އުފާކުރަމެވެ."

2005 ވަނަ އަހަރު އެންމެ ފުރަތަމަ އިންޑިއާއަށް އެތެރެވި ލަގްޒަރީ ބްރޭންޑްތަކުގެ ތެެ ތެރޭގައި ޗެނެލް ހިމެނެއެވެ. އޭގެ ފަހުން އެ ކުންފުނިން ވަނީ ނިއު ދިއްލީގައި ފެޝަން ބުޓިކެއް، ނިއު ދިއްލީ، ނޯއިޑާ، ގުރުގުރާމް، މުމްބާއީ އަދި ބެންގަލޫރު ފަދަ ސިޓީތަކުގެ ހަތް ވަހާއި ބިއުޓީ ސްޓޯރާއި އެއާޕޯޓް ރީޓެއިލް ތިން ޓަޗްޕޮއިންޓް އަދި މިދިޔަ އަހަރު އީ-ކޮމާސް ތައާރަފްކޮށްފައެވެ.

އެގޮތުން، 2030 ވަނަ އަހަރާ ހަމައަށް އިންޑިއާގައި ލަގްޒަރީ މުދަލަށް ކުރާ ހޭދަ ތިން ގުނަ އިތުރުވާނެ ކަމަށް ބެލެވޭއިރު، އަނަންޔާއަކީ މިފަދަ ހެރިޓޭޖް ބްރޭންޑަކާއެކު ޝަރަފުވެރި އެމްބެސެޑަޝިޕެއް ހޯދި އިންޑިއާގެ ފުރަތަމަ ބަތަލާއެވެ.