އެމްޑީޕީ ވެރިކަމެއްގައި ރާއްޖޭގައި މޫނުބުރުގާ މަނާ ކުރުމުގެ މަސައްކަތް ފަށައިފިއެވެ.
މޯލްޑިވްސް ޑިމޮކްރަސީ ނެޓްވޯކް (އެމްޑީއެން) އާއި އެނޫންވެސް ލާދީނީ ބައެއް އެޖެންޓުންނަކީ ސީދާ އެމްޑީޕީއާއި ގުޅިގެން މި ހަރަކާތުގައި އުޅޭ ޖަމާއަތްތަކެވެ.
ރާއްޖޭގައި ހަރަކާތްތެރިވާ ބައެއް އެންޖީއޯތަކުން އިސްލާމީ އަގީދާއާ ހިލާފު ހިޔާލުތަކެއް ފަތުރަމުންދާކަމަށް ބުނެ، ބައެއް ދީނީ އިލްމުވެރިންނާއި އިސްލާމްދީނަށް ލޯބިކުރާ ފަރާތްތަކުން މީގެ ކުރިން ވެސް ކަންބޮޑުވުން ފާޅުކޮށްފައި ވެއެވެ. މި ފަރާތްތަކުން ބުނާ ގޮތުގައި، ބައެއް އެންޖީއޯތަކުން ކުރާ މަސައްކަތްތަކަކީ ރާއްޖޭގެ އިސްލާމީ އަގީދާއާއި ގާނޫނުއަސާސީގައި ބަޔާންކޮށްފައިވާ އިސްލާމީ އުސޫލުތަކާއި ފުށުއަރާ ކަންކަމެވެ.
Advertisement
މި ގޮތުން، ޓްރާންސްޕޭރަންސީ މޯލްޑިވްސް، ހޯޕް ފޮރ ވިމެން، އަދި ވޮއިސް އޮފް ވިމެން ފަދަ ޖަމިއްޔާތަކުގެ ބައެއް ހަރަކާތްތަކާމެދު ބައެއް އިލްމުވެރިން ސުވާލު އުފައްދާފައިވެއެވެ. ނަމަވެސް، މި ޖަމިއްޔާތަކުގެ މައްޗަށް ރަސްމީކޮށް އެއްވެސް ދައުވާއެއް މިހާތަނަށް ސާބިތުވެފައެއް ނުވެއެވެ.
އިއްޔެ ސޯޝަލް މީޑިއާގައި އެމްޑީޕީގެ ޕްރޮޕެގަންޑާ ފަތުރާ ފަރާތަކުން ވަނީ ރާއްޖޭގައި މޫނުބުރުގާ މަނާކުރާނެ ކަމަށް ވަރަށް ފާޅުކަން ބޮޑު ގޮތަކަށް ރައްޔިތުންނަށް ވިސްނުވައި ދިނުމަށް ހިޔާލު ފާޅުކޮށްފައެވެ.
ރާއްޖޭގައި އޮތް އިސްލާން ދީނާއި ފާޅުގައި ދެކޮޅު ހެދުމުގެ ސަބަބުން 2019 ވަނަ އަހަރު އެމްޑީއެން އުވާލިކަން ފާހަގަކުރެވެއެވެ. އެމްޑީއެން އުވައިލީ ރައްޔިތުން ރުޅި އައިސް މުޒާހަރާކޮށް އެމްޑީޕީގެ ސަރުކާރު ދެކެ ރުޅި އައިސް މަގުމައްޗަށް ނުކުމެ މަސްލަހަތު ގޯސްވުމުންނެވެ. ފަހަރެއްގައިވެސް އޭރުގެ ސަރުކާރުން އެގޮތް ބޭނުން ވެގެނެއް ނޫނެވެ. އޭރު ވެރިކަމުގައި ތިބީ ވެސް އެ ފިކުރުގެ މީހުންނެވެ. އެމްޑީއެންގެ ތަފާތު މަގާމުތަކުގައި ތިބި މީހުންނެވެ.
އެމްޑީޕީގެ ވެރިކަމެއްގައި ބުރުގާ މަނާކުރާނެ ކަމަށް ބުނިއިރު މީގެ ކުރިން އެމީހުން ވަނީ މޫނުބުރުގާ އަޅައިގެން ސަރުކާރުގެ ވަޒިފާތަކުގައި ނޫޅެވޭ ގޮތް ވެސް ހަދާފައެވެ. މިހާރު އެމްޑީޕީގެ އަމާޒަކީ ރާއްޖޭގައި އަމާންކަން ގެއްލޭ ކަހަލަ ކަމެއް ބުރުގާ އަޅައިގެން މޫނު ފޮރުވައިގެން ތިބި ބަޔަކު ލައްވައި ކުރުމަށްފަހު، ނިގާބަކީ ރާއްޖޭގެ ސަލާމަތަށް ހުރި ނުރައްކަލެއް ކަމަށް ދައްކައި ބުރުގާ މަނާކުރުމަށް ގޮވާލުން ކަމަށް ތުހުމަތު ކުރެވެއެވެ.
ދިވެހިރާއްޖޭގެ ޤާނޫނުއަސާސީގައި ބަޔާންކޮށްފައިވާ ގޮތުން، އިސްލާންދީނަކީ ދައުލަތުގެ ދީނެވެ. އަދި ގާނޫނުތައް ހެދުމުގައި އިސްލާންދީނުގެ އަސްލުތަކާ ހިލާފުނުވާ ގޮތަށް ހެދުމަށް ލާޒިމްކުރެއެވެ. އެހެންކަމުން، މި މައްސަލައަކީ ވަރަށް ސަމާލުކަން ދޭންޖެހޭ މައްސަލައެއް ކަމުގައި ގިނަ ފަރާތްތަކުން ދެކެއެވެ.
