މާޅޮސްމަޑުލު ދެކުނުބުރީ ދަރަވަންދޫ ދޯނި އެހެލާ ސަރަހައްދުގައި އެހެލާފަ ގިނަ ދުވަސް ވަންދެން ބޭނުންނުކޮށް ހުރި އުޅަނދުތަގެ ވެރިފަރާތްތައް ހޯދަން އެރަށު ކައުންސިލުން އިއުލާނުކޮށްފި އެވެ.
ދަރަވަންދޫ ކައުންސިލުން ބުނީ، އެރަށު ދޯނި އެހެލާ ސަރަހައްދުގައި ބޭނުންނުކޮށް ގިނަ ދުވަސްވެފައިވާ ދޯންޏާއި، ލޯންޗާއި، ޑިންގީ އެހެލާފައި އެބަހުރިކަމަށެވެ. އަދި އެ އުޅަނދުތަކުގެ ވެރި ފަރާތް ހޯދަނީ އެ ސަރަހައްދު ސާފުކުރުުމަށް ކަމަށް ބުންޏެވެ.
މިކަން ބަޔާންކޮށް، މައްސަލަ ހައްލުކުރުމަށް ދަރަވަންދޫ ކައުންސިލުން ވަނީ އިއުލާނެއްވެސް އާންމުކޮށްފަ އެވެ. އެ އިއުލާނުގައި، ދޯނި އެހެލާ ސަރަހައްދުގައި އެހަލާފައިހުރި ބޭނުންނުކޮށް ގިނަ ދުވަސްވެފައިވާ އުޅަނދުތަކާއި، އެހެނިހެން ތަކެތީގެ ވެރިން އެތަކެތީގެ ތަފްޞީލް ބަޔާންކޮށް ލިޔުމަކުން މިމަހުގެ 20 ވާ އާދިއްތަދުވަހުގެ 14:00ގެ ކުރިން ކައުންސިލް އިދާރާއަށް ހުށަހެޅުމަށް އެދިފައި ވެއެވެ.
