މިޔަންމާއަށް އައި 7.7 މެގްނިޓިއުޑްގެ ބިންހެލުމުގައި މަރުވި މީހުންގެ އަދަދު 3،354 އަށް އަރައިފިއެވެ.
ބިންހެލުމުގެ ސަބަބުން ބޮޑެތި ގެއްލުންތަކެއް ލިބިފައިވާއިރު، ޚާއްސަކޮށް މަންޑަލޭ ވަނީ ބަރަށް ބޮޑަށް ސުންނާފަތި ވެފައެވެ. 11 ބުރީގެ އިމާރާތެއް ވެއްޓި އެތައް ސަތޭކަ ބަޔަކު އެތާ ދަށުވިއިރު ސަލާމަތްވެފައިވަނީ އެންމެ 52 މީހުން ކަމަށާއި މަދުވެގެން 200 މީހުންގެ ހަށިގަނޑު އަދިވެސް ފެނިފައެއް ނުވާ ކަމަށް ހަބަރު ލިބެއެވެ.
4850 މީހުން ޒަޚަމްވެ، 220 މީހަކު އަދިވެސް ގެއްލިފައިވާއިރު، ކާރިސާތަކެއް ކުރިމަތިވެފައިވާ މި ސަރަހައްދަށް އެހީތެރިވުމަށް އދ. އިން ދަނީ މަސައްކަތް ކުރަމުންނެވެ.
މިޔަންމާގައި ހިނގަމުންދާ މަދަނީ ހަމަނުޖެހުންތަކުގެ ސަބަބުން ބައިނަލްއަގްވާމީ އެހީގެ މަސައްކަތްތަކަށް ވަރަށް ބޮޑަށް ހުރަސްއެޅިފައިވާއިރު، ރިކަވަރީ އޮޕަރޭޝަންތަކުގައި އިސްކޮށް ހަރަކާތްތެރިވަމުންދަނީ މައިގަނޑު ގޮތެއްގައި ޗައިނާ، ރަޝިޔާ އަދި މެލޭޝިއާ އިންނެވެ.
