ބޭންކް އޮފް މޯލްޑިވްސް (ބީއެމްއެލް) އިން ދެމުންގެންދާ ބައެއް ޚިދުމަތްތައް މިރޭ މެންދަމުން ފެށިގެން މާދަމާގެ ހެނދުނާ ހަމަޔަށް މެދުކެނޑޭނޭކަމަށް އެ ބޭންކުން ބުނެފިއެވެ.

ބީއެމްއެލުން ބުނީ މިރޭ މެންދަމު 02:00 އިން ފެށިގެން ހެނދުނު 08:00 ގެ ނިޔަލަށް ޚިދުމަތްތައް މެދުކެނޑޭނީ އެ ބޭންކުން ދެމުންގެންދާ ޚިދުމަތްތަކުގެ ފެންވަރު ރަނގަޅުކުރުމުގެ ގޮތުން މަސައްކަތެއް ކުރުމަށްޓަކައި ކަމަށެވެ.

އެވަގުތުތަކުގައި ކާޑުގެ ޚިދުމަތްތަކުގެ އިތުރުން އޭޓިއެމް ޚިދުމަތާއި، ޕީއޯއެސް މެޝިނުގެ އިތުރުން ޕޭމަންޓް ގޭޓްވޭ މެދުވެރިކޮށް ދެވޭ ޚިދުމަތްވެސް މެދުކެނޑުމަކަށް އަންނާނެކަމަށް ބީއެމްއެލުން ބުންޏެވެ.

މީގެ އިތުރުން މާދަމާ ހެނދުނު 6 އިން ފެށިގެން ހެނދުނު 10 ޖެހުމާ ހަމައަށް އިންޓަރނެޓް ބޭންކިންގ ޚިދުމަތާއި، މޯބައިލް ބޭންކިންގެ އިތުރުން ފަވާރާގެ ޚިދުމަތްވެސް މެދުކެނޑޭނޭ ކަމަށް ބީއެމްއެލް އިން ބުންޏެވެ.

ބީއެމްއެލް އިން ވަނީ އެގަޑިތަކުގައި ޚިދުމަތް މެދުކެނޑުމުން ދިމާވެދާނެ ދަތިތަކަށް ކަސްޓަމަރުންގެ ކިބައިން ނިހާޔަތަށް މައާފަށް އެދިފައެވެ.