ފަރަންސޭސި ވިލާތުގެ އިދިކޮޅު ޕާޓީގެ ލީޑަރު މެރީން ލެ ޕެންއަށް 5 އަހަރު ދުވަހުގެ މުއްދަތަކަށް އިންތިޚާބުތަކުގައި ވާދަކުރުން މަނާކޮށް، 4 އަހަރު ދުވަހުގެ ޖަލު ޙުކުމެއް އިއްޔެ އިއްވައިފިއެވެ. އެހެންނަމަވެސް އޭނާ ޖަލުގައި ބަންދުކޮށްފައި ބެހެއްޓުމުގެ ބަދަލުގައި، ޙުކުމުން 2 އަހަރު ސަސްޕެންޑް ކޮށްފައިވާއިރު، ބާކީ 2 އަހަރު ހޭދަކުރަންޖެހޭނީ އިލެކްޓްރޯނިކް ޓެގު އަޅުވައިގެންނެވެ.

ޑިމޮކްރަސީ އޭ ބުނެ ހުޅަނގުން އެންމެ އަޑު ހަރުކޮށް ގޮވާއިރު، މެކްރޮންގެ ސަރުކާރާއި އިދިކޮޅު އެންމެ ބޮޑު ޕާޓީގެ ލީޑަރަށާއި ލީދާޝިޕްގައި ހިމެނޭ މުހިންމު ފަރާތަތްކަށް ކޮށްފައިވާ މި ޙުކުމާއި ގުޅިގެން 2027 ވަނަ އަހަރުގެ ރިޔާސީ އިންތިޚާބުގައި އޭނާ އަށާއި އެޕާޓީގެ މުހިންމު ފަރާތްތަކަށް ވެސް ވާދަކުރުމުގެ ފުރުސަތު ގެއްލިގެން ހިނގައިދާނެއެވެ.

^{ފްރާންސްގެ ނީސްގައި 2017 ވަނަ އަހަރު އޮތް ކެޕްމޭނު އިވެންޓެއްގައި ލެ ޕެން ސަޕޯޓަރުންނާއި ބައްދަލުކޮށް ވާހަކަދައްކަވަނީ: ފްރާންސްގެ އެންމެ ބޮޑު އިދިކޮޅު ޕާޓީގެ ކެންޑިޑޭޓަށް 2027 ގައި އޮންނަ ރިޔާސީ އިންތިހާބުގެ ދޮރު ބަންދުކިރަން އެގައުމުގެ ސަރުކާރުން ދަނީ މަސައްކަތް ކުރަމުން.}

ރެލީއެއްގައި ފަރަންސޭސި ނެޝަނަލް ރެލީ ޕާޓީގެ ލީޑަރު އާއި އެޕާޓީގެ އިތުރު 8 އޮފިޝަލަކު މި މައްސަލައިގައި ކުށްވެރިވެފައިވެއެވެ. މި މައްސަލައަކީ ޔޫރަޕިއަން ޕާލިމަންޓުގެ 2.9 މިލިއަން ޔޫރޯ (3.1 މިލިއަން ޑޮލަރު)ގެ ފަންޑު ނަހަމަ ގޮތުގައި ބޭނުންކޮށް، ޚިޔާނާތްތެރިވެފައިވާތީވެ އިއްވާފައިވާ ޖަލު ހުކުމެއް ކަމަށް އެ ޤައުމުގެ ކޯޓުން ބުނެއެވެ..

ތިންފަހަރު ރިޔާސީ އިންތިޚާބުގައި ވާދަކުރެއްވި ލެ ޕެން ވަނީ އޭނާއަށް ކުރި ހުކުމަކީ ސީދާ އިންތިހާބުގައި ވާދަކުރެވޭނެ ދޮރު ބަންދު ކުރުމަށްޓަކައި ކުރި ސިޔާސީ ހުކުމެއް ކަމަށް ބުނެފައެވެ.

ފަރަންސޭސި އާބާދީގެ 30-35 އިންސައްތަ މީހުން އޭނާއަށް ތާއީދުކުރާ ކަމަށް ބެލެވޭއިރު، އޭނާއަކީ އިމިގްރޭޝަނާއި އިޤްތިޞާދީ ސިޔާސަތުތަކާ ގުޅޭ ގޮތުން ރައީސް އެމެނުއެލް މެކްރޯންގެ ސަރުކާރާއި އެންމެ ވަރުގަދައަށް ދެކޮޅުހަދާ އިދިކޮޅު ލީޑަރެވެ.

މުޙައްލިލުން ބުނާ ގޮތުގައި އޭނާއަށް އިންތިޚާބުތަކުގައި ވާދަކުރުން މަނާކުރުމަކީ މެކްރޯންގެ އެންމެ ބޮޑު ސިޔާސީ ނުރައްކަލެއް ނައްތާލުމެވެ.