ކުރިޔަށް އޮތް ހަތަރުމަސްތެރޭ އީޔޫގެ ކޮންމެ ޤައުމަކަށް 100 މިލިއަން ފީފާގެ ތެޔޮ ދެނީ

ދުނިޔޭގެ ކުރިއަރާފައިވާ ބޮޑެތި އިޤްތިޞާދުތައް ހިމެނޭ ގްރޫޕް އޮފް ސެވަން (ޖީ7) ގެ ޤައުމުތަކުގެ މެދުގައި ކުރިއަށް އޮތް ހަތަރު މަސްދުވަހުގެ ތެރޭގައި 100 މިލިއަން ފީފާއާ ހަމައަށް ޑީސަލާއި ތެޔޮ ފޯރުކޮށްދިނުމަށް ނިންމައިފި ކަމަށް ފްރާންސުން ހާމަކޮށްފިއެވެ.

މިކަން އިޢުލާނުކުރައްވަމުން ފްރާންސުގެ ކަމާބެހޭ އޮފިޝަލުން ވިދާޅުވީ، މިއީ މެދުއިރުމަތީގެ މަސްރަޙު ގޯސްވެ، ހަކަތައިގެ ބާޒާރަށް ކުރިމަތިވެދާނެ ލޮޅުންތަކުން އަރައިގަތުމަށާއި، ތެލުގެ އަގު އެއްވަރެއްގައި ހިފެހެއްޓުމަށްޓަކައި ޖީ7 ގެ ޤައުމުތަކުން ގުޅިގެން އަޅަން ނިންމި މުހިންމު ފިޔަވަޅެއް ކަމަށެވެ.

މި އެއްބަސްވުމުގެ ދަށުން، އެމެރިކާ، އިނގިރޭސިވިލާތް، ފްރާންސް، ޖަރުމަނުވިލާތް، އިޓަލީ، ކެނެޑާ އަދި ޖަޕާން ހިމެނޭ ގޮތަށް، މި ޤައުމުތަކުގެ ރިޒާވްގައި ހުރި ތެލުގެ ތެރެއިން ބައެއް އެއް ޤައުމުން އަނެއް ޤައުމަށް ބޭނުންޖެހިއްޖެ ޙާލަތެއްގައި ފޯރުކޮށްދޭނެއެވެ.

މެދުއިރުމަތީގައި އުފެދިފައިވާ ހަނގުރާމައިގެ ނުތަނަވަސްކަމާއި، ހުރުމުޒް ކަނޑުއޮޅިން ދަތުރުކުރާ ތެޔޮ ޓޭންކަރުތަކަށް އަމާޒުވަމުންދާ ހަމަލާތަކުގެ ސަބަބުން، ދުނިޔޭގެ ބާޒާރުގައި ތެލުގެ ސަޕްލައިއަށް ބުރޫއަރައި، އަގުތައް އިންތިހާއަށް އުފުލިދާނެ ކަމުގެ ބިރު ވަނީ ބޮޑުވެފައެވެ.