ފިތުރު އީދަކީ އާއިލާ އާއި ރައްޓެހިންނާއެކު އުފާފާޅުކުރުމުގެ ވަގުތެކެވެ. މެދުއިރުމަތީގެ ހުރިހާ ހިސާބެއްގައި ވެސް އާއިލާތައް އެއްތަނަކަށް އެއްވެ ޖަމާއަތްޖަމާާޢަތުގައި ކެއުން ހިއްސާކޮށް، ހަދިޔާ ބަދަލުކޮށް ހަދައެވެ. އެއީ ޢަރަބީންގެ ސަޤާފަތެވެ. ރިޔާޟް، ދުބާއީ، އަދި ޤާހިރާ ފަދަ ސިޓީތަކުގައި މަގުތައް ވަނީ ޒީނަތްތެރިކޮށްފައެވެ. ކުޑަކުދިން އާ ހެދުން އަޅައި ޒީނަތްތެރިވެގެން ޢާއިލާއާއެކު އުފާފާޅުކުރަނީއެވެ

_{މި ފޮޓޯގެ ވާތްފަރާތުގައި މިވަނީ ރޭ ޑުބާއީގައި ފިޠުރު ޢީދުގެ އުފަލުގައި ހަވާއަރުވާ މަންޒަރެވެ. ދެން މިފެންނަނީ މިއަދު ޣައްޒާގެ ޙާލަތެވެ.}

^{މިއީ ރޭ ޤަޠަރުގައި ކުރިޔަށްދިޔަ އިވެންޓެއް}

މި ޢީދު ޣައްޒާ އާއި ބައްދަލުކުރީ ވަރަށް ނިކަމެތިކޮށެވެ. ޚާއްޞަކޮށް މެދުއިރުމައްޗަށެވެ. ލުބުނާނާއި ސީރިއާ އެއޮތީ ހަނގުރާމައިގައެވެ. ޣައްޒާ ރައްޔިތުންނަށް މިއަދު ހެނދުނުގައި ވެސް ޢީދު ސަލާމްކޮށް އުފާ ފާޅުކުރާކަށް ވަގުތެއް ނުދިނެވެ. ޣައްޒާގައި ޢީދުގެ އުފާފާޅުކުރުމަށް ބަޔަކު ނުކުތީމާ އެމީހުންގެ ތެރެއަށްވެސް އިސްރާއީލުން އަޅާލީ ބޮމެވެ. މިއަދުގެ އީދުގެ އެއްވުމުގައި ވެސް 9 މީހުން ޝަހީދުކޮށްލައި އެތައް ބަޔަކު ޒަޚަމް ކޮށްލައިފިއެވެ.

^{ރަފާހްގެ އަންހެނަކު ޢާއިލާގެ މެންބަރުން ޝަހީދުކޮށްލުމުން ހިތާމަކުރަނީ: މި ޢީދު ދުވަހު ވެސް ޣައްޒާ ރައްޔިތުންނަށް އުފަލެއް ނެތް / ފޮޓޯ: ގެޓީ އިމޭޖްސް}

މި ޢީދުގައި ޣައްޒާއަށް އޮތީ ބޮމުގެ ބިރުވެރިކަމެވެ. ލޭއޮހޮރުވުމެވެ. ރޯދައިގެ އަޅުކަމަށްފަހު އުފާފާޅުކުރާކަށް ވެސް ޣައްޒާގެ ރައްޔިތުންނަށް ޖާގައެއް ނުދިނެވެ.

“ތާޒާކޮށް ފިހެފައިވާ ފޮނި ކާއެއްޗެއްގެ ވަހަށް ހޭލުމުގެ ބަދަލުގައި ގިނަ ބަޔަކު މި ހޭލަނީ އިންސާނުން މަރުވެ ފުޅަވެފައިވާ ވަހަށް” ޢައްޒާގެ އަންހެނަކު އޭނާގެ އިހުސާސްތައް ނުރަސްމީ ޗެނަލެއްގައި ހިއްސާކޮށްފައި ވެއެވެ.

މުސްލިމުން އުފަލުގައި ޖަމާޢަތްޖަމާޢަތުގައި މަޖާކުރާއިރު ޣައްޒާގެ ރައްޔިތުންނަށް މިއަދުވެސް މިއޮތީ ބަނަ ޢީދަކާއި ދިމާވެފައެވެ.

^{މިއަދު ޣައްްޒާގައި ކުރިޔަށްދިޔަ ޢީދުނަމާދުގެތެރެއިން ނަގާފައިވާ ފޮޓޯއެއް.}

^{ޣައްޒާގައި މިއަދު ކުރިޔަށްދިޔަ ޢީދުނަމާދު: މިޖަމާޢަތުގައި އެތައް ހާސް އަންހެނުންނާއި ކުޑަކުދިން ބައިވެރިވިއިރު ގިނަމީހުންގެ ޢާއިލާތައް ވަނީ ގެއްލި ގެދޮރުވެސް ގެއްލިފައި.}

ލުބުނާނުގައި ހަނގުރާމައާއި ދަތިތަކުން ފިލައިގެން ދިޔަ އެތައް ހާސް ރެފިއުޖީންނަށް މިއަދުގެ ޢީދުގައި ހިތްހަމަޖެހުމެއް ނެތެވެ. ވަގުތީ ކޭމްޕްތަކުގައި އެކި ދިމަދިމާލަށް އެތުރިފައި ތިބި ރެފިއުޖީންތައް އިންތިޒާރު ކުރަމުންދަނީ ބޯހިޔާވަހިކަމަށެވެ. ކުރީގެ ދިރިއުޅުމަށް ރުޖޫޢަ ވެވޭނެ ކަމުގެ އުންމީދެއް އެމީހުން ނުކުރެއެވެ. ދުނިޔެ މިއަދު އުފާފާޅުކުރި ނަމަވެސް އެމީހުންނަށް މި އީދު ހަނދާންކޮށްދެނީ މާޒީއެވެ.

^{ލުބުނާނުގެ އަންހެނަކު ފޭލިގޭގައި ރޮއިޓާސްގެ ނޫސްވެރިޔަކަށް ބަލަހައްޓައިގެން: އެމީހުންނަށް މި ޢީދުގައި ވެސް އުފަލެއް ނެތް / ފޮޓޯ: ރޮއިޓާސް.}

މިއަދަކީ އީދު ދުވަސް ކަމުގައި ވިޔަސް އެންމެން މިއަދު ތިބީ އުފަލަކުން ނޫނެވެ. ޚާއްސަކޮށް މެދުއިރުމަތީގެ ޙާލަތު އޮތީ ވަރަށް ނާޒުކު ގޮތަކަށެވެ. އޭގެތެރެއިންވެސް ޣައްޒާ އަކީ ތަހަންމަލުކުރަން އުނދަގޫ ތަނެކެވެ ޣައްޒާ އާއި ލުބުނާނުގެ ރެފިއުޖީން އުފަލުން ހިނިތުންވާން މަސައްކަތް ކުރިޔަސް ގިނަ މީހުންނަށް މާޒީ ހަނދާންވެ ރޮވެއެވެ.