މާލޭ އެމްޕީއެލް ކުރިމަތީގައި ދެ ސައިކަލެއް ޖެހި ހިނގި އެކްސިޑެންޓަށްފަހު ސައިކަލު ނަގަން އުޅުމުގެ ތެރޭގައި މުށްގަނޑަށް ހިފާ އަނބުރާލެވުމުން ޓްރެފިކްގައި އޮތް ޕިކަޕަކާއި ޕާކު ކޮށްފައި އޮތް ޕިކަޕަކަށް އަރައި އިތުރު އެކްސިޑެންޓެއް ހިނގައިފިއެވެ.

މިރޭ 21:55 ހާއިރު ހިނގި މި އެކްސިޑެންޓުގައި އެއްވެސް ފަރާތަކަށް ޒަހަމްވެފައެއް ނުވެއެވެ. ފުރަތަމަ އެކްސިޑެންޓު ހިނގާފައިވަނީ އަންހެނަކާއި ފިރިހެނެއްގެ ދެ ސައިކަލެވެ.

^{ފުރަތަމަ އެކްސިޑެންޓު ހިނގިއިރު އަންހެން މީހާ ދުއްވި ސައިކަލު. / ފޮޓޯ: ޚުލާސާ}

ފުރަތަމަ އެކްސިޑެންޓު ހިނގުމުން ދެފަރާތުން މައްސަލަ ހައްލުކޮށް އެތަނުން ދާން މަސައްކަތް ކުރެއެވެ. ޕިކަޕުތަކަށް އެރި ސައިކަލަކީ ފިރިހެން މީހާ ދުއްވި ސައިކަލެވެ.

މާލޭ ސިޓީގައި ކޮންމެ ދުވަހަކުވެސް މިފަދަ ކުދި އެކްސިޑެންޓުތައް ހިނގުމަކީ އާންމު ކަމެކެވެ.