ޔޫއެފާ ނޭޝަންސް ލީގުގެ ކުއާޓާ ފައިނަލް ފެށިއިރު، ދެވަނަ ލެގުގެ ވަރުގަދަ ކުރިމަތިލުންތަކަށް މަގުފަހިކޮށްދޭ މެޗުތައް ރޭ ކުޅެފިއެވެ.
ނެދަލެންޑްސް އާއި ސްޕެއިން (2-2)
ފޯރިގަދަ މި މެޗުގައި ސްޕެއިންގެ ނިކޯ ވިލިއަމްސް 9 ވަނަ މިނެޓުގައި ގޯލް ހުޅުވާލި ނަމަވެސް ނެދަލެންޑްސް އިން ރައްދު ދިނީ ކޯޑީ ގަކްޕޯ އާއި ޓިޖާނީ ރެއިންޑަރސްގެ ލަނޑުތަކުންނެވެ. ދެން ފެނުނީ ނެދަރލެންޑުގެ ޖޯރެލް ހާޓޯގެ ރަތްކާޑުން 81 ވަނަ މިނެޓަށްފަހު ދިހަ ކުޅުންތެރިންނާއިގެން އެ ޓީމު ކުޅެން ޖެހުނުތަނެވެ. މީގެ ފައިދާ ނަގައި ސްޕެއިންއަށް މިކެލް މެރީނޯ ވަނީ ނޭވާ ހޮޅިއަށް އެޅިފައި ވަނިކޮށް 3+90 ވަނަ މިނެޓުގައި އެއްވަރުކޮށްދީފައެވެ.
Advertisement
އިޓަލީ އާއި ޖަރުމަނު (1-2)
އިޓަލީން މެޗު ފަށައިގެން 9 ވަނަ މިނެޓުގައި ސަންޑްރޯ ޓޮނާލީ ވަނީ ޑިފެންސްގެ ގޯހަކުން ފައިދާ ނަގައިގެން ގޯލު ޖަހާފައެވެ.
ނަމަވެސް ޖަރުމަނުން ބަދަލުކުރި ކުޅުންތެރިން ވަނީ އެމީހުންގެ މުހިންމުކަން ސާބިތުކޮށްދީފައެވެ. ޓިމް ކްލޭއިންޑިއެންސްޓް ނަތީޖާ ހަމަހަމަކޮށްދިންއިރު، ޖޯޝުއާ ކިމިޗްގެ ކޯނަރަކުން ބޮލުން ފޮނުވާލި ބޯޅައަކުން ލިއޮން ގޮރެޓްޒްކާ ވަނީ އިޓަލީ ބަލިކޮށްފައެވެ.
ކްރޮއޭޝިއާ އާއި ފްރާންސް (2-0)
ފުރަތަމަ ހާފުގައި ކްރޮއޭޝިއާ އިން ފްރާންސް ސިއްސުވައިލީ އިވާން ޕެރިޝިޗް އާއި އެންޓޭ ބުޑިމިރްގެ ގޯލުތަކުންނެވެ. ޕެނަލްޓީއެއް ގެއްލުނު ނަމަވެސް ކްރޮއޭޝިއާ އިން ކޮންޓްރޯލް ދަމަހައްޓާފައިވާއިރު، ފްރާންސަށް ވަނީ އެ ޓީމުގެ ޑިފެންސް ތެރެއަށް ވަނުމަށް އުނދަގޫތަކާއި ކުރިމަތިލާން ޖެހިފައެވެ.
ޕޯޗުގަލް އާއި ޑެންމާކް (0-1)
https://www.khulaasaa.com/post/7521
ޔުކްރޭން އާއި ބެލްޖިއަމް (3-1)
ފަހަތުން އަރައި ޔުކްރޭނުން ބެލްޖިއަމް ބަލިކޮށްލީއެވެ. 40 ވަނަ މިނެޓުގައި ރޮމެލޫ ލުކާކޫ ލަނޑު ޖެހި ނަމަވެސް ޔޫކްރޭނުން ވަނީ މޮޅު ކުޅުމެއް ދައްކާފައެވެ. ދެވަނަ ހާފުގައި އޮލެކްސީ ހުޓްސުލިއާކް، ވްލަޑިސްލާވް ވަނާޓް، އަދި އިލްޔާ ޒަބަރނީގެ ލަނޑުތަކުން ޔޫކްރޭން ވަނީ ތަފާތު ދައްކާފައެވެ.
ސްކޮޓްލޭންޑް އާއި ގްރީސް (1-0)
ސްކޮޓްލޭންޑުން ގްރީސް ބަލިކުރީ 33 ވަނަ މިނެޓުގައި ލިބުނު ޕެނަލްޓީއަކުންނެވެ. ސްކޮޓް މެކްޓޮމިނޭގެ މި ގޯލު ޖެހިއިރު ދެވަނަ ލެގުގައި ސްކޮޓްލޭންޑަށް މިއީ ހަނި ކުރިއެރުމެކެވެ.
ތުރުކީ އާއި ހަންގޭރީ (3-1)
ހަންގޭރީގެ މައްޗަށް ތުރުކީން ކާމިޔާބު ހޯދީ އޮރްކުން ކޮކްޗު، ކެރެމް އަކްޓޫރްކޯޣްލޫ އަދި އިރްފާން ކާން ކަހްވޭޗީގެ ގޯލުތަކުންނެވެ. މި ކާމިޔާބީގެ ސަބަބުން ތުރުކީ އޮތީ ސެމީއަށް މަގު ފަހިވެފައެވެ.
