ޤަވާއިދާ ޚިލާފު ހިޖުރަކުރުން ހުއްޓުވުމަށްޓަކައި ކަަމށް ބުނެ އިންސާނިއްޔަތާއި ހިޖުރަކުރުމާއި ޚިލާފަށް ޔޫރަޕިއަން ޔޫނިއަނުން ރެފިއުޖީން ނުވަތަ ހިޖުރަކުރާ މީހުން އަނބުރާ ފޮނުވާލުމަށް "ރިޓާން ހަބްސް" ނުވަތަ އަނބުރާ ފޮނުވާލުމުގެ މަރުކަޒުތައް ތިންވަނަ ޤައުމުތަކުގައި ޤާއިމުކުރުމަށް ޤާނޫނީ އޮނިގަނޑެއް އެކުލަވާލަން މަސައްކަތް ފަށައިފިއެވެ.

"ރިޓާން ހަބް" އަކީ ހިޖުރަވެރިން އަނބުރާ ފޮނުވާލުމަށް ބޭނުންކުރާ މަރުކަޒެކެވެ. "ތިންވަނަ ޤައުމު" އަކީ ހިޖުރަވެރިޔާގެ އަމިއްލަ ޤައުމު ނޫން އަދި ޔޫރަޕިއަން ޔޫނިއަނުގެ މެންބަރު ޤައުމެއްވެސް ނޫން އެހެން ޤައުމެކެވެ.

ހަބަރުތައް ބުނާ ގޮތުގައި މި ޕްލޭނުގެ ދަށުން، ޔޫރަޕިއަން ޔޫނިއަނުގެ ޤައުމުތަކުން ބޭރުކުރަން ނިންމާ ހިޖުރަވެރިން، އެމީހުން އަނބުރާ ފޮނުވާލެވެންދެން ތިންވަނަ ޤައުމުތަކުގައި ހުންނަ މަރުކަޒުތަކުގައި ބަންދުކުރެވޭނެއެވެ.

ޔޫރަޕަކީ އިންސާނީ ޙައްޤޭ ކިޔައި އެންމެ ބާރަށް އެވާހަކަ މުސްލިމު ޤައުމުތަކުގައި ދައްކާ މީހުންނެވެ. ނަމަވެސް މުސްލިމު ޤައުމުތަކުގެ ފަޤީރުން ޔޫރަޕަށް އެތެރެވިޔަ ނުދިނުމަށްޓަކައި ޔޫރަޕުން ކުރަން ނިންމާފައިވާ މިކަމަކީ އިންސާނީ ޙައްޤުތަކަށް އުނިކަން އަތުވެދާނެ ކަމެއް ކަމަށް ރިޕޯޓްތައް ބުނެއެވެ. މިއީ އިންސާނިއްޔަތާއި ޚިލާފު ޢަމަލެކެވެ.