ރަޝިއާގެ ހަކަތައިގެ ވިޔަފާރިން ލިބޭ އާމްދަނީ މަދުކުރުމަށް ޔޫރަޕްގެ 12 ޤައުމަކުން ޖީ7 ގައި މިއަދު (7 ފެބްރުއަރީ 2025) އެދިއްޖެއެވެ.

ޗެކް ރިޕަބްލިކް، ޑެންމާކް، އެސްޓޯނިއާ، ފިންލެންޑް، އައިސްލެންޑް، އަޔަލެންޑް، ލެޓްވިއާ، ލިތުއޭނިއާ، ނޯވޭ، ޕޮލެންޑް، ރޮމޭނިއާ އަދި ސުވީޑަން ހިމެނޭ ގޮތަށް 12 ޤައުމަކުން ޖީ7 އަށް ފޮނުވި ސިޓީއެއްގައި ބުނެފައިވަނީ ރަޝިއާގެ އާމްދަނީގެ ތިންބައިކުޅަ އެއްބައި އަދި އެކްސްޕޯޓްގެ ތިންބައިކުޅަ ދެބައި ލިބެނީ ހަކަތައިގެ ވިޔަފާރިން ކަމަށެވެ.

ޖީ7 ގައުމުތަކަކީ ދުނިޔޭގެ އެންމެ ކުރިއަރާފައިވާ އިގްތިސާދުތަކުގެ ގްރޫޕެކެވެ. އެއީ އެމެރިކާ، ކެނެޑާ، އިނގިރޭސިވިލާތް، ފްރާންސް، ޖަރުމަނުވިލާތް، އިޓަލީ އަދި ޖަޕާނެވެ. މީގެ އިތުރުން ޔޫރަޕިއަން ޔޫނިއަން (އީޔޫ) އިން ޖީ7 ބައްދަލުވުންތަކުގައި މަންދޫބުންގެ ގޮތުން ބައިވެރިވެއެވެ.

މިއަދު ފޮނުވި ސިޓީގައި އެ 12 ޤައުމުން ޖީ7 އަށް ގޮވާލާފައިވަނީ ތެލުގެ އަގު ކޮންޓްރޯލްކުރުމުގެ ނިޒާމު ބޭނުންކޮށްގެން ރަޝިއާގެ އާމްދަނީ މަދުކުރުމަށް މަސައްކަތް ކުރުމަށެވެ. މާނައަކީ ރަޝިއާއިން ޖެހޭނީ ޖީ7 އަށް ނުއަގުގައި ތެޔޮ ވިއްކާށެވެ. ނަމަވެސް މިއީ ރަޝިއާ އެދޭ ކަމެއް ނޫނެވެ. މީގެ ކުރިން ވެސް އެމެރިކާ އަޑީގައި އޮވެ މި މަސައްކަތް ކުރިއެވެ. ނަމަވެސް އެފަހަރު ރަޝިއާގެ އިޤްތިޞަދު ދުޔައީ ކުރިން ނުދާހާ ރަނގަޅު މިންވަރެއްގައި ކުރިޔަށެވެ.

މިއަދު ޖީ7 އަށް މިދެންނެވި ޤައުމުތަކުން ފޮނުވި ސިޓީގައި އެދިފައިވަނީ ރަޝިއާގެ ތެޔޮ އުފުލާ ބޯޓުތަކަށް ވެސް ދަތިކުރުމަށެވެ. އަދި އެކަމުގެ ބައިވެރީންނަށް ވެސް ދަތި ކުރުމަށެވެ.