ފާއިތުވި 7 އަހަރުގެ ތެރޭގައި މަސްތުވާތަކެތީގެ ފަރުވާ ނެގުމަށް 4،500 މީހެއްގެ މައްޗަށް ޙުކުމް ކޮށްފައިވާ ކަމަށް ނޭޝަނަލް ޑްރަގް އޭޖެންސީ (އެންޑީއޭ)ގެ ޗެއާޕާސަން ލުބުނާ ޒާހިރު ވިދާޅުވެއްޖެއެވެ.

ޕީއެސްއެމްގެ "ރާއްޖެ މިއަދު" ޕްރޮގްރާމްގައި ވާހަކަދައްކަވަމުން ލުބުނާ ރޭ ވިދާޅުވީ، އެންޑީއޭގައި ޖާގަ ނެތުމުގެ ސަބަބުން ފަރުވާއަށް ޙުކުމްކޮށްފައި ތިބި މީހުންގެ ކިއުއެއް އުފެދިފައި އޮތް ކަމަށެވެ.

"މި ސަރުކާރުން ވެރިކަމާއި ހަވާލުވީއިރު، ފަރުވާއަށް ނުވެއްދި 700އެއްހައި މީހުންގެ ކިޔުއެއް އޮތް. މިހާރު އޭގެ ތެރެއިން ބާކީ ތިބީ 150އެއްހައި މީހުން. އެ މީހުން ފަރުވާގެ ނިޒާމަށް ވެއްދުމަށް ޓަކައި އެންމެ ފަހުގެ ތައްޔާރީތައް ވަމުން އަންނަނީ," ލުބުނާ ވިދާޅުވިއެވެ.

މަސްތުވާތަކެތީގެ ފަރުވާ ހަރުދަނާ ކުރުމަށް ޓަކައި އެންޑީއޭއިން ދަނީ އެ ތަނުގެ ކެޕޭސިޓީ އިތުރު ކުރުމަށް މަސައްކަތްތަކެއް ކުރަމުންނެވެ. އެހެންނަމަވެސް، މި މަސައްކަތުގައި ދިމާވާ އެންމެ ބޮޑު ގޮންޖެހުމަކީ އިންސާނީ ވަސީލަތް މަދުވުމެވެ.

"ފަރުވާގެ ނިޒާމު ހަރުދަނާ ކުރުމަށް ޓަކައި ބޭނުންވާ މިންވަރަށް ޕްރޮފެޝަނަލް ކައުންސެލަރުންނާއި ސޯޝަލް ސޯޝަލް ވޯކަރުން މަދުވުމުގެ ދަތިކަން އެބަހުރި," ލުބުނާ ފާހަގަކުރެއްވިއެވެ.

މަސްތުވާތަކެތީގެ މައްސަލައަކީ ރާއްޖޭގައި ދިމާވެފައިވާ އެންމެ ބޮޑު އިޖުތިމާއީ މައްސަލައެވެ. ވައްކަމާއި ފޭރުމް ޢާން،ުވެފައި ވަނީ ވެސް މި ވަބާގެ ސަބަބުންނެވެ.