މިދިޔަ އަހަރުގެ ރޯދަ މަހު އުމްރާއަށް މީހުން ގެންގޮސް ހާލުގައި ޖެއްސި އަލް-މަޝްއަރު ޓުއާސްގެ ވެރިންނަށް އިތުރު ދައުވާއެއް ކުރަން ޕްރޮސިކިއުޓަރ ޖެނެރަލް (ޕީޖީ)ގެ އޮފީހަށް ފުލުހުން ފޮނުވައިފި އެވެ.

ފުލުހުން މިއަދު ބުނީ މިދިޔަ އަހަރު އުމްރާ އަށް މީހުން ގެންދާނެ ކަމަށް ބުނެ އަލް-މަޝްއަރް ޕްރައިވެޓް ލިމިޓެޑުން 27 މީހުންގެ އަތުން 500،000 އަށް ވުރެ ގިނަ ރުފިޔާ ނަގައި، މަކަރާއި ހީލަތް ހަދައި ފައިސާ އަށް ހިޔާނާތްތެރިވި ކަމަށެވެ. އެ މައްސަލައިގައި ދަޢުވާ ކުރުމަށް މި މަހުގެ 19 ވަނަ ދުވަހު ޕީޖީ އޮފީހަށް ފޮނުވާފައިވާ ކަމަށެވެ.

މި މައްސަލާގައި ދައުވާކުރަނީ މަޝްއަރު ކުންފުނީގެ ވެރިޔާ މާލެ، މ. ހަވީރީފިނި، އަލީ ފާރިޝްގެ މައްޗަށާއި އަލްމަޝްއަރު ޕްރައިވެޓް ލިމިޓެޑާއި ޓްރިއާ ޕްރައިވެޓް ލިމިޓެޑާއި ހާފްޓޯން މޯލްޑިވްސް ޕްރައިވެޓް ލިމިޓެޑް މައްޗަށް ކަމަށް ފުލުހުން ބުންޏެވެ.

މި މައްސަލާގައި މީގެ ކުރިން ވެސް މަޝްއަރު ޓުއާގެ ވެރިންނަށް އިތުރު ދައުވާއެއް ކުރަން ފުލުހުން ވަނީ ޕީޖީ އޮފީހަށް ފޮނުވައިފަ އެވެ.

މަޝްއަރު ޓުއާސްގެ މައްސަލަ މިދިޔަ އަހަރުގެ އެޕްރީލް މަހު ފުލުހުންނަށް ހުށަހެޅީ އިސްލާމިކް މިނިސްޓްރީންނެވެ.