ރޯދަމަހު ކޮންމެ ދިވެހި ރައްޔިތަކަށް 5000 ރުފިޔާގެ އިނާޔަތެއް ސަރުކާރުން ދޭނެ ކަމަށް ބުނެ އިދިކޮޅު ފަރާތްތަކުން ފަތުރަމުންދަނީ ދޮގު ޚަބަރެކެވެ.

ސަރުކާރުގެ އިސް އޮފިޝަލަކު ވިދާޅުވި ގޮތުގައި މި ދޮގު މަޢުލޫމާތު ފަތުރަމުންދަނީ ރައްޔިތުންގެ މެދުގައި ސަރުކާރާއި މެދު އޮތް އިތުބާރު ގެއްލުވާލުމުގެ ނިޔަތުގައި ކަމަށް ބެލެވެއެވެ.

"ކޮންމެ ދިވެހި ރައްޔިތަކަށް 5000 ރުފިޔާ ދިނުމަކީ ގާތްގަނޑަކަށް 2 ބިލިއަން ރުފިޔާގެ ޚަރަދެއް. މިއީ ޙަޤީޤަތާއި ޚިލާފު ވާހަކައެއް. އިދިކޮޅު ފަރާތްތަކުން މިފަދަ ދޮގު މަޢުލޫމާތު ފަތުރަމުންދަނީ ޤައުމަށް އަންނަމުންދާ ތަރައްޤީ ހަޖަމް ނުކުރެވިގެން."

އިތުރަށް އޭނާ ވިދާޅުވީ މިފަދަ ދޮގު މަޢުލޫމާތު ފަތުރައި، ރައްޔިތުންގެ ހިތްތަކުގައި ސަރުކާރާއި މެދު އޮތް ލޯބި ގެއްލުވާލަން މަސައްކަތް ކުރަނީ ކަމަށާއި. ރޯދަމަހު މިފަދަ އިނާޔަތެއް ލިބޭނެ ކަމަށް ރައްޔިތުން ހީކޮށްފާނެތީ، މިފަދަ ދޮގު ވާހަކަތައް ފަތުރަމުންދަނީ ކަމަށެވެ.

ސަރުކާރުން ރައްޔިތުންނަށް އިލްތިމާސް ކުރަނީ މިފަދަ ދޮގު މަޢުލޫމާތުތަކަށް ނުހެއްލި ސަރުކާރުގެ ރަސްމީ އިދާރާތަކުން މިފަދަ މަޢުލޫމާތު ކަށަވަރު ކުރުމަށެވެ. އަދި ރަސްމީ ނޫސް ބަޔާންތަކާއި ސަރުކާރުގެ ރަސްމީ ވެބްސައިޓްތަކުން މަޢުލޫމާތު ހޯދުމަށް އިރުޝާދު ދެއެވެ. ސަރުކާރުން މިހާރު ވެސް ވަނީ ރޯދަމަހާއި ގުޅިގެން ކޮންމެ ގޭބިސީއަކަށް މަސްދަޅު ކޭހެއް ދިނުމަށް ނިންމަވާފއި ކަމަށާއި، އިތުރު އެއްވެސް އިނާޔަތެއް ދޭން ނިންމައިފިނަމަ، އެކަން ރަސްމީކޮށް އިޢުލާނު ކުރާނެ ކަމަށްވެސް ރައީސް އޮފީހުގެ އިސް ބޭފުޅަކު ވިދާޅުވިއެވެ.