ރާއްޖޭގެ ނައިބު ރައީސް ޙުސައިން މުޙައްމަދު ލަތީފް، އެމެރިކާގެ ނައިބު ރައީސްކަމަށް އަލަށް އިންތިޚާބުވެވަޑައިގެންނެވި ޖޭމްސް ޑޭވިޑް ވެންސްއަށް މަރުޙަބާ ވިދާޅުވެއްޖެއެވެ.
ޖޭ.ޑީ ވެންސްއަކީ އެމެރިކާގެ ނައިބު ރައީސްކަމަށް އިންތިޚާބުވެވަޑައިގެންނެވި 50 ވަނަ ބޭފުޅާއެވެ. މަރުޙަބާ ދެންނެވުމުގެ ގޮތުން އެކްސްގައި ނައިބު ރައީސް ޙުސައިން މުޙައްމަދު ލަތީފް ކުރެއްވި މެސެޖުގައި ވިދާޅުވީ ކުރިއަށް އޮތް 4 އަހަރަކީ، ދުނިޔޭގެ ބޮޑެތި މައްސަލަތަކަށް ޙައްލު ހޯދުމުގައި ގުޅިގެން މަސައްކަތް ކުރާނެ ދައުރަކަށް ވާނެކަމަށް ޔަގީންކުރައްވާ ކަމަށެވެ.
Congratulations to Vice President @JDVance on your historic assumption of office as the 50th Vice President of the United States of America. I am confident that the next four years will usher in fresh resolve to find shared solutions to issues of global significance, and that…
Congratulations to Vice President @JDVance on your historic assumption of office as the 50th Vice President of the United States of America. I am confident that the next four years will usher in fresh resolve to find shared solutions to issues of global significance, and that…
— Hussain Mohamed Latheef (@HucenSembe)
މީގެއިތުރުން، އާ ރިޔާސަތާއެކު އެމެރިކާގެ ރައްޔިތުންގެ ކުރިމަގަށް ގިނަ މަސައްކަތްތަކެއް ކުރައްވައި، ރައްޔިތުންގެ މެދުގައި ސުލްޙަ ޤާއިމުކުރުމަށް މަސައްކަތްތަކެއް ކުރައްވާނެ ދައުރަކަށް ވާނެކަމަށް ޤަބޫލުކުރައްވާ ކަމަށް ވެސް ނައިބު ރައީސް ޙުސައިން މުޙައްމަދު ލަތީފް ވިދާޅުވިއެވެ.
ނައިބު ރައީސް ވަނީ އެމެރިކާގެ އާ ވެރިކަމުގެ ދައުރަށް މަރުޙަބާ ވިދާޅުވެ، މި ދައުރަކީ ކާމިޔާބު ދައުރަކަށްވާނެ ކަމަށް އުއްމީދުކުރައްވާ ކަމަށްވެސް ވިދާޅުވެފައެވެ. ޖޭ.ޑީ ވެންސްއަކީ ސިޔާސީ ގޮތުން ހަރަކާތްތެރި ބޭފުޅެއް ކަމާއި، އޭނާ ވަނީ ޔޫ.އެސް ސެނެޓުގައި ރިޕަބްލިކަން ޕާޓީ ތަމްސީލުކުރައްވާފައިވާ ކަމަށްވެސް ފާހަގަކުރެވެއެވެ.
