މާލޭގެ މައި މަގުތަކުގެ ތެރެއިން އެއް މަގު ކަމަށްވާ އަމީނީމަގުގެ މާފަންނު ސްޓޭޑިއަމް ސަރަހައްދުގައި ހަލާކުވެފައިވާ ތާރުގަނޑު މަރާމާތުކުރުމުގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން މިއަދު ފަށައިފިއެވެ.
އެމްޑީޕީ ސަރުކާރުގެ ފަރާތުން 2023 ވަނަ އަހަރު 80 މިލިއަން ރުފިޔާގެ ބަޖެޓެއް ހޭދަކޮށްގެން ތަރައްޤީކުރެވުނު އަމީނީމަގުގެ ފެންވަރު ދަށެވެ. މިކަމުގެ ސަބަބުން އެ މަގުން ދުއްވާ އުޅަނދުފަހަރަށް ވަރަށް ބޮޑެތި ދަތިތަކާއި ކުރިމަތިލާން ޖެހިފައިވާކަމަށް ބުނެ އާންމު ރައްޔިތުން ޝަކުވާ ކުރެއެވެ.
އަމީނީމަގު މަރާމާތު ކުރުމުގެ މަސައްކަތާއި ގުޅިގެން މިއަދުން ފެށިގެން މި މަސައްކަތް ނިމެންދެން މި ސަރަހައްދު ދުއްވާ ތަކެއްޗަށް ބަންދުކުރެވިފައިވާކަމަށް އާރުޑީސީން މަޢުލޫމާތު ދީފައިވެއެވެ. މަސައްކަތް ނިންމާލެވޭނެ ކަމަށް ލަފާކުރެވޭ ތާރީޚެއް އާރުޑީސީއިން އަދި ހާމަކޮށްފައެއް ނުވެއެވެ.
