މުސްލިމުންނާއިމެދު ނަފްރަތު އުފެއްދި މައްސަލައިގައި ލަންކާގެ ބުޑިސްޓް ހާމުދުރު ޖަލަށް ލައިފި

އިސްލާމުންދީނަށާއި މުސްލިމުންނަށް ފުރައްސާރަކޮށް އިހާނެތި ބަސް ބުނެފައިވާތީ، ހަރުކަށި ކަމަށް ބެލެވޭ ލަންކާގެ ބުޑިސްޓް ހާމުދުުރު ގަލަގުދާތޭ ގަނަންސާރާ ޖަލަށް ލުމަށް ސްރިލަންކާގެ މެޖިސްޓްރޭޓް ކޯޓަކުން ޙުކުމް ކޮށްފިއެވެ.

 ސްރީލަންކގެ ހާމުދުރު ގަލަގޫދާތޭ ގަނަންސަރާ ގެ މައްޗަށް ސްރީލަންކާގެ މެޖިސްޓްރޭޓް ކޯޓުން ޙުކުމް ކޮށްފައި މިވަނީ އޭނާ މީޑިޔާ އަށް ދީފައިވާ ނިޔުސް ކޮންފަރެންސެއްގައި މުސްލިމުންނަށް ނަފްރަތުގެ ބަސްތަކެއް ރައްދު ކޮށްފައިވާތީއެވެ. 

ޙުކުމް ކުރައްވަމުން ފަނޑިޔާރު ވިދާޅުވީ، ކޮންމެ މީހަކަށް ވެސް އެމީހެއްގެ މަޒުހަބުގައި އަޅުކަންކުރުމުގެ މިނިވަންކަން ސްރީލަންކާގެ ޤާނޫނުގައި ލިބިދީފައި ވާކަމަށާއި ، މަޒުހަބު ތަކުގެ މެދުގައި ފިތުނަ އުފެއްދުމުގެ ފުރުޞަތު ނުދެވޭނެ ކަމަށެވެ. މީގެ ކުރިން ވެސް ވަނީ މި ހާމުދުރުގެ މައްޗަށް ދެފަހެއްގެ މަތިން ޖަލަށް ލުމަށް ޙުކުމް ކޮށްފައެވެ.

 ފުރަތަމަ ފަހަރު ޙުކުމްކުރީ 6 މަސް ދުވަހަށް ޖަލަށް ލުމަށެވެ. އެފަހަރު އޭނާ ސަލާމަތްވީ ކުރީގެ ރައިސް ރާޖަޕަކްސާ އޭނާ ގެ ޙުކުމް މަޢާފް ކޮށް ދިނުމުން ނެވެ. ދެވަނަ ފަހަރު އައީ 4 އަހަރުގެ ޖަލު ޙުކުމެކެވެ. އެޙުކުމް މަޢާފް ކޮށްދިނީ ރާޖަޕަކްސާގެ ފަހުން ވެރިކަމުގައި ހުންނެވި ސެރިސޭނާ އެވެ.

ހާމުދުރު ގެ މައްޗަށް މިފަހަރު ހުކުމްކުރީ 9 މަސްދުވަހަށް ޖަލަށް ލުމާއެކު 1500 ރުފިޔާ އިން ޖޫރިމަނާ ކުރުމަށެވެ. މިޙުކުމް އިސްތިޢްނާފު ކުރުމުން ބަލައި ގެންފައި ނުވެއެވެ. ޖޫރިމަނާ ފައިސާ ނުދައްކައި ފިނަމަ އިތުރު އެއް މަސް ޖަލުގައި ހުންނަން ހާމުދުރަށް ޖެހޭނެއެވެ