އެންމެ ފަހުގެ ޗެމްޕިއަން ދިވެހި ސިފައިންގެ ކްލަބް (ޑީއެސްސީ) ބަލިކޮށް ކްލަބް އެޗްޑީސީން ޤައުމީ ވޮލީ ތަށި ރޭ ނަގައިފިއެވެ.

އެޗްޑީސީން ލީގު ނިންމާލީ ހަތަރު މެޗުން 12 ޕޮއިންޓާއެކު ދެ ވަނައިގައި އޮތް ސިފައިންގެ ކްލަބަށް ވުރެ އިތުރަށް ނުވަ ޕޮއިންޓް ހޯދައިގެންނެވެ. ތިން ވަނައިގައި ހަ ޕޮއިންޓާއެކު އޮތީ ސްޕޯޓްސް ކްލަބް ސިޓީ އެވެ. ބްލޫސް ފޮރ ވޮލީ ބޯލްސް އޮތި ދެ ޕޮއިންޓާއެކު ހަތަރުވަނައިގައެވެ.

ރޭގެ މެޗުގައި ސިފައިންގެ ކްލަބުން ވަނީ ފުރަތަމަ ސެޓް 25-21 އިން ހޯދައިފަ އެވެ. ނަމަވެސް އެޗްޑީސީން ފަހަތުންއަރައި ކުޅުން ރަނގަޅުކޮށް ބާކީ ތިން ސެޓް 25-19، 25-21، އަދި ފައިނަލް ސެޓުގައި 25-1 އިން ކުރި ހޯދިއެވެ.

މިބާރާތުގެ ޝަރަފުވެރި ކުޅުންތެރިން:

- މުބާރާތުގެ އެންމެ މޮޅު ކުޅުންތެރިޔާ: ހުސައިން ރައްޒާން (ސިފައިން)

- ބެސްޓް އައުޓްސައިޑް އެޓޭކަރ: އާދަމް ނަސީމް (ސިފައިން)

- ބެސްޓް މިޑްލް ބްލޮކަރުން: މުހައްމަދު އަހުސަން (އެޗްޑީސީ) އާއި އާދަމް ފައިރޫޒް (އެޗްޑީސީ)

- ބެސްޓް ސެޓަރ: އަލީ ނިމާލް (އެޗްޑީސީ)

- އެންމެ މޮޅު ކުޅުންތެރިޔާ: ހުސައިން ރައްޒާން (ސިފައިން)

- ބެސްޓް ލިބަރޯ: މުހައްމަދު މިމްރާހް ހަސަން (މިންމީ) (ސިފައިން)

- އެންމެ އުއްމީދީ ކުޅުންތެރިޔާ: ޔައިޝް ރިއްފަތު ހަމީދު (ބްލޫސް ފޮރ ވޮލީ ބޯލްސް)

- އެންމެ މޮޅު ކޯޗު: ހުސައިން ޝަރީފް (ނަލަ ހުސެއިން) (އެޗްޑީސީ)

- އެންމެ މޮޅު ބިދޭސީ ކުޅުންތެރިޔާ: މުބާޝީރު ރަޒާ، ޕާކިސްތާން (އެޗްޑީސީ)

އެޗްޑީސީން ރޭ ޤައުމީ ތަށި ނެގިއިރު، މީގެ ދެމަސް ކުރިން އެ ޓީމުން ވަނީ ވޮލީބޯލް އެސޯސިއޭޝަން ކަޕްގެ ތަށި ވެސް ނަގާފއިކަން ފާހަގަ ކުރެވެއެވެ.