ބޭންކް އޮފް މޯލްޑިވްސް (ބީއެމްއެލް) އިން މި އަހަރު ދޭ ސްޕޯޓްސް ސްކޮލަރޝިޕް ލިބޭ އެތުލީޓު ހޮވައިފިއެވެ.

ބީއެމްއެލް އިން މިއަދު ހާމަކުރި ގޮތުގައި މި އަހަރުގެ ސްކޮލަރޝިޕް ލިބޭ އެތުލީޓަކީ އެތްލެޓިކްސް ދާއިރާގެ ޢާއިޝަތު ހިމްނާ ޙަސަންއެވެ.

ހިމްނާއަށް މި ސްކޮލަރޝިޕްގެ ދަށުން ޖެމޭކާގައި ހުންނަ ސްޕްރިންޓެކް ޓްރެކް ކްލަބްގައި އެއް އަހަރު ދުވަހުގެ މުއްދަތަށް ތަމްރީނު ލިބިގެންދާނެއެވެ. މި ސްކޮލަރޝިޕްގެ ދަށުން ހިމްނާގެ ހުރިހާ ޚަރަދެއް ބީއެމްއެލްއިން ބަލަހައްޓައިދޭނެއެވެ.

ބީއެމްއެލް ސްޕޯޓްސް ސްކޮލަރޝިޕަކީ އެތުލީޓުންގެ ހުނަރު ކުރިއަރުވައި، އެ ފަރާތްތަކަށް ފުރިހަމަ ކާމިޔާބީއަކަށް ވާސިލުވުމަށް އެހީތެރިވުމުގެ ގޮތުން ރާއްޖޭއިން ބޭރުގެ ހައި ޕަރފޯމަންސް ޓްރެއިނިންގ ސެންޓަރުތަކުން ތަމްރީނު ހޯދުމަށް ފުރުޞަތު ފަހިކޮށްދޭ ސްކޮލަރޝިޕެކެވެ. މި ސްކޮލަރޝިޕް ޕްރޮގްރާމަކީ މޯލްޑިވްސް އޮލިމްޕިކް ކޮމިޓީ (އެމް.އޯ.ސީ) އާ ގުޅިގެން ބީއެމްއެލްއިން ހިންގާ ޕްރޮގްރާމެކެވެ.

ބީއެމްއެލްއިން އިތުރަށް ބުނީ މި ސްކޮލާޝިޕަށް އެތުލީޓު ހޮވާފައިވަނީ އެމްއޯސީއިން ކަމަށެވެ.