މިއަދު ކުޅުނު ނައިންޓީ ޕްލަސް ގޯލްޑް ކަޕްގެ ސެމީ ފައިނަލުގެ ފުރަތަމަ މެޗުގައި ބ. އޭދަފުށިން މާލެ ސިޓީ 3-2 އިން ބަލިކޮށް، ފައިނަލަށް ދަތުރުކޮށްފިއެވެ.
ފޮޓޯ: ޚުލާސާ
މިއީ އަށް އަހަރަށްފަހު އޭދަފުށިން ގަލޮޅު ދަނޑުގައި ކުޅޭނެ ފުރަތަމަ ފައިނަލެވެ. އެންމެ ފަހުން އެ ޓީމުން ރަސްމީ ދަނޑުގައި ކުޅުނު ފައިނަލަކީ 2016 ވަނަ އަހަރުގެ މިނިވަން ޗެމްޕިއަންޝިޕް ފައިނަލެވެ. އެ މެޗުގައި އޭދަފުށިން ވަނީ ތ. ތިމަރަފުށި ބަލިކޮށްފައެވެ.
މިއަދުގެ މެޗުގައި އޭދަފުށިން ވަނީ ފުރަތަމަ ހާފުގައި ތިން ގޯލުގެ ލީޑެއް ނަގާފައެވެ. އޭދަފުށީގެ ފުރަތަމަ ދެ ގޯލު ޖެހީ ހަމްޒާ މުހައްމަދު (ހަމްޕު) އެވެ. ތިން ވަނަ ގޯލު ޖެހީ އިޝާން އިބްރާހިމް (ސައްޓު) އެވެ.
ދެވަނަ ހާފުގައި މާލެ ސިޓީން ވަނީސިޓީން ވަނީ ދެ ގޯލު ޖަހާފައެވެ. ފުރަތަމަ ގޯލަކީ އޭދަފުށީ ކުޅުންތެރިންގެ އަތުން ބައިކޮޅަށް ވަން ގޯލެކެވެ. ދެވަނަ ގޯލު ޖެހީ ރިލްވާން ވަހީދު (ރިލޭ) އެވެ. އެއީ ލިބުނު ޕެނަލްޓީއަކުންނެވެ.
ގޯލްޑް ކަޕް ފައިނަލުގައި އޭދަފުށި ކުޅޭނީ ދެވަނަ ސެމީ ފައިނަލުގައި އައްޑޫ ސިޓީ އާއި ރ. އަލިފުށި ކުޅެގެން މޮޅުވާ ޓީމަކާ އެކުގައެވެ.
މިއީ މި ފަހަރުގެ ގޯލްޑް ކަޕްގައި މާލެ ސިޓީ އަތުން އޭދަފުށި މޮޅުވި ދެވަނަ މެޗެވެ. ކުރިން ގްރޫޕް ސްޓޭޖުގައި އޭދަފުށިން ވަނީ 2-0 އިން މާލެ ސިޓީ ބަލިކޮށްފައެވެ.
