މާލޭގެ ގެއެއްގައި މަރުވެފައި އޮތް މީހަކު މިއަދު ފެނިއްޖެ އެވެ.
ފުލުހުން ބުނީ ގަލޮޅުގައި ހުންނަ ގެއެއްގައި ޚަބަރު ހުސްވެފައި އޮތް މީހަކު އޮތްކަމުގެ ރިޕޯޓް މިއަދު ހަވީރު 5:02 ގައި އެ އިދާރާއަށް ލިބިފައިވާ ކަމަށެވެ. މަރުވެފައި އޮއްވާ ފެނުނީ ފިރިހެނެއް ކަމަށް ފުލުހުން ބުންޏެވެ.
ނަމަވެސް، އެއީ ކޮން ގައުމެއްގެ މީހެއް ކަމެއް ފުލުހުން އަދި ނުބުނެ އެވެ.
Advertisement
އައިޖީއެމްއެޗާ ހަވާލާދީ ފުލުހުން ބުނީ އެ މީހާ ހޮސްޕިޓަލަށް ގެންދިޔައިރު ވެސް އޮތީ މަރުވެފައި ކަމަށެވެ.
ފުލުހުން ބުނީ މި މައްސަލަ ތަހުގީގުކުރަމުން އަންނަ ކަމަށެވެ.
