އަނެއްކާވެސް އެންމެ ހިންގުންތެރި ރަށު ކައުންސިލަށް ބޮޑުފޮޅުދޫ ކައުންސިލް ހޮވިއްޖެއެވެ.
އަރިއަތޮޅު އުތުރުބުރީ ބޮޑުފޮޅުދޫ ކައުންސިލުން ވަނީ ޖެހިޖެހިގެން ހަތަރުވަނަ އަހަރަށް ރާއްޖޭގެ އެންމެ ހިންގުންތެރި ރަށު ކައުންސިލްގެ މަޤާމު ހޯދާފައެވެ. މި އެވޯޑު ދީފައިވަނީ ރޭ ބޭއްވި 2023 ވަނަ އަހަރުގެ ކަންގަތި އެވޯޑު ޙަފްލާގައެވެ.
ކަންގަތި އެވޯޑަކީ ލޯކަލް ކައުންސިލް ޕާފޯމަންސް އިންޑެކްސްއިން އެންމެ މަތީ ވަނަތައް ޙާސިލްކުރާ ކައުންސިލްތަކަށް 2015 ވަނަ އަހަރުން ފެށިގެން ލޯކަލް ގަވަރމަންޓް އޮތޯރިޓީން ދެމުން އަންނަ އެވޯޑެކެވެ. މި އެވޯޑުގައި ކައުންސިލްތަކުގެ ޕަފޯމަންސް އިންޑެކްސްއިން "ގަދަހަމާންތި" އަދި "ރަނިހަމާންތި" ދަރަޖަތަކަށް ވަނީ އެވޯޑު ދީފައެވެ.
Advertisement
ރަނަހަމާންތި ދަރަޖައިގެ 1 ވަނައަށް އަރިއަތޮޅު އުތުރުބުރީ ބޮޑުފޮޅުދޫ ކައުންސިލް ހޮވުނުއިރު، 2 ވަނައަށް ތިލަދުންމަތި އުތުރުބުރީ ތުރާކުނު ކައުންސިލް، އަދި 3 ވަނައަށް މާލެ އަތޮޅު ހިންމަފުށި ކައުންސިލް ވަނީ ހޮވިފައެވެ.
ބޮޑުފޮޅުދޫ ކައުންސިލުން މި އެވޯޑު ޙާސިލުކުރަމުން އަންނަނީ 2020 ވަނަ އަހަރުން ފެށިގެންނެވެ. އެ ކައުންސިލްގެ ރައީސް ޝުޖާޢު އާދަމް ވިދާޅުވި ގޮތުގައި، އެ ރަށު ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީއާއި މުވައްޒަފުންގެ އެންމެ ބޮޑު އަމާޒަކީ އަހަރީ ޕްލޭންގައިވާ ކަންކަން އެގޮތުގައި ތަންފީޒުކުރުމާއި ރައްޔިތުންނާ ގާތުން ޚިދުމަތްދީ، ރައްޔިތުންގެ އިތުބާރު އޮތް އިދާރާއަކަށް ހެދުމެވެ.
މި ޙަފްލާގައި އެހެނިހެން ދާއިރާތަކުންވެސް ވަނީ އެވޯޑުތައް ދީފައެވެ.
