ރަޝިޔާއިން ކާމިޔާބު ކެންސަރު ވެކްސިނެއް އުފައްދައިފި ކަމަށް އިޢުލާން ކޮށްފިއެވެ. އެ ޤައުމުން ވަނީ 2025 ވަނަ އަހަރުގެ ކުރީކޮޅު އާންމުކޮށް ހުރިހާ އެންމެނަށް ބޭނުންކުރެވޭ ގޮތަށް ނެރުމަށް ހަމަޖެހިފައިވާ ޕާސަނަލައިޒްޑް އެމްއާރްއެންއޭ އަށް ބިނާކޮށް ކެންސަރު ވެކްސިނެއް އުފައްދާނެކަން މީގެ ކުރިންވެސް އިއުލާންކޮށްފައެވެ. ރަޝިޔާ ސަރުކާރުން ރާވާފައިވަނީ މި ފަރުވާ އެގައުމުގެ ރައްޔިތުންނަށް ހިލޭ ފޯރުކޮށްދިނުމަށެވެ.

ނަމަވެސް ޝާއިއުކޮށްފައިވާ ކްލިނިކަލް ޓްރައިއަލް ޑޭޓާ ނެތުމުން ހުޅަނގުގެ ބައެއް ތަޖުރިބާކާރުން ވަނީ ޝައްކު އުފައްދާފައެވެ. ޓްރިނިޓީ ކޮލެޖް ޑަބްލިންގެ އިމިއުނޮލޮޖިސްޓެއް ކަމަށްވާ ޕްރޮފެސަރު ކިންގްސްޓަން މިލްސް ވަނީ ވެކްސިނާއިބެހޭ ތަފްސީލީ މައުލޫމާތު ނެތްކަން ފާހަގަކުރައްވައި، ވެކްސިންގެ ފައިދާ ވަޒަންކުރުމަށް ކްލިނިކަލް ޓްރައިއަލް ޑޭޓާ ބޭނުންވާ ކަމަށް ވިދާޅުވެފަ އެވެ.

މިހާތަނަށް ރަޝިޔާއިން މި ވެކްސިން އެހެން ޤައުމުތަކަށް ހިލޭ ބެހުމަށް ގަސްތުކުރާ ކަމުގެ އެއްވެސް އިޝާރާތެއް ނުފެނެއެވެ. މިހާރު އެކުލަވާލާފައިވާ ޕްލޭންގައި ބޮޑަށް އަލިއަޅުވާލާފައިވަނީ ގައުމީ ސިއްހީ ނިޒާމުގެ ތެރެއިން ރަޝިޔާގެ ރައްޔިތުންނަށް ވެކްސިން ފޯރުކޮށްދިނުމަށެވެ.

ރަޝިއާގެ ތަޖުރިބާކާރުން މި ކެންސަރު ވެކްސިނާއި ދޭތެރޭ ޔަޤީންކަން ދެއެވެ.