ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން އެސްޓްރާޒެނެކާއާ ގުޅިގެން ނޭވާހިއްލުމާއި ސީއޯޕީޑީ ބަލި ފަރުވާކުރުމަށް އައު އުފެއްދުންތަކެއް ކަމުގައިވާ ސިމްބިކޯޓް ޓަރބުހޭލަރ އަދި ޕަލްމިކޯޓް ރެސްޕިއުލްސް ރަސްމީކޮށް ދިވެހިރާއްޖޭގައި ތަޢާރަފުކޮށްފިއެވެ.
މި އުފެއްދުންތައް ތަޢާރަފުކުރުމުގެ ރަސްމިއްޔާތު ބޭއްވުނީ ދަރުމަވަންތަ ހޮސްޕިޓަލުގެ 24 ވަނަ ފަންގިފިލާގައެވެ. މި ރަސްމިއްޔާތުގައި 60 އާ ގާތްކުރާ އަދަދެއްގެ ޑޮކްޓަރުން ބައިވެރިވެވަޑައިގެންނެވިއެވެ.
ރަސްމިއްޔާތުގައި ވާހަކަފުޅު ދެއްކަވަމުން އިންޑިއާގެ މަޝްހޫރު ޕަލްމޮނޮލޮޖިސްޓް ޑރ. ރެނިސް ޑޭވިސް ވިދާޅުވީ، ނޭވާހިއްލުމާއި ސީއޯޕީޑީ ބަލި ފަރުވާކުރުމުގައި ގްލޯބަލް އިނީޝިއޭޓިވް ފޯ އެސްތްމާ (ގީނާ) ގެ ގައިޑްލައިންތައް މުހިންމުކަމަށެވެ، އަދި މި ގައިޑްލައިންތަކުގައި އެސްއޭބީއޭ (ޝޯޓް-އެކްޓިންގ ބީޓާ އެގޮނިސްޓް) އެކަނި ބޭނުންކުރުން މަދުކުރުމަށް ބާރުއަޅާފައިވާކަމާއި، ބަލި ދެމެހެއްޓުމަށާއި ލުއިކުރުމަށް ބޭނުންކުރާ ބޭސްތަކުގެ މައްޗަށް އިސްކަންދީފައިވާކަން ފާހަގަކުރެއްވިއެވެ.
Advertisement
ސިމްބިކޯޓް ޓަރބުހޭލަރއަކީ ބޭނުންކުރަން ފަސޭހަ، އެޑްވާންސްޑް ޑްރައި ޕައުޑަރ އިންހޭލަރެކެވެ. މި އިންހޭލަރަކީ އާންމުކޮށް ބޭނުންކުރާ އެސްއޭބީއޭ ރިލީވަރތަކާއި އަޅާބަލާއިރު އަވަސް، ރަނގަޅު އަދި ފަސޭހަ ލުޔެއް ދޭ އުފެއްދުމެކެވެ.
އެސްޓީއޯއިން ބުނީ، މި އުފެއްދުންތައް ތަޢާރަފުކުރުމަކީ ދިވެހި މުޖުތަމަޢުއަށް ދެވޭ ސިއްޙީ ޚިދުމަތުގެ ފެންވަރު މަތިކުރުމަށް އެ ކުންފުނިން ކުރަމުންދާ މަސައްކަތުގެ ބައެއް ކަމަށެވެ. އަދި މުހިންމު ސިއްޙީ ބޭނުންތަކަށް އަމާޒުކޮށްފައިވާ އިންޤިލާބީ ޞިއްޙީ ޙައްލުތަކެއް ތަޢާރަފުކުރަމުން ގެންދިއުމަކީ އެސްޓީއޯގެ ފަޚުރެއް ކަމުގައި ވެސް އެސްޓީއޯއިން ބުންޏެވެ.
މި އައު އުފެއްދުންތަކަކީ ނޭވާހިއްލުމާއި ސީއޯޕީޑީ ބަލި ފަރުވާކުރުމުގައި މުހިންމު ދައުރެއް އަދާކުރާ، ނޭވާލާ ނިޒާމުގެ ސިއްޙަތާ ގުޅުންހުރި މުހިންމު ކަންކަމަށް އަމާޒުކޮށްފައިވާ އުފެއްދުންތަކެކެވެ. ޚާއްޞަކޮށް ޕަލްމިކޯޓް ރެސްޕިއުލްސްއަކީ ސިސްޓަމިކް ސްޓެރޮއިޑްތަކުގެ ބަދަލުގައި ބޭނުންކުރެވިދާނެ ވަރަށް ފުރިހަމަ އަދި ރަނގަޅު އުފެއްދުމެއްގެ ގޮތުގައި ފާހަގަކުރެވެއެވެ.
