ފިޔުލް ސަޕްލައި މޯލްޑިވްސް (އެފްއެސްއެމް) ގެ މުވައްޒަފުންތަކެއް އެ ކުންފުނީގެ ތެލުން ވައްކަންކޮށް، ފައިސާ ލޯންޑަރކުރާކަމަށް ޝައްކުކުރެވޭ މައްސަލައެއް ދިވެހި ފުލުހުންގެ ޚިދުމަތުން ތަހުގީގުކުރަން ފަށައިފިއެވެ.
މި މައްސަލަ ތަހުގީގުކުރަމުން ގެންދާކަން ހާމަކުރެއްވީ ދާޚިލީ ސަލާމަތާއި ފަންނިއްޔާތާބެހޭ ވަޒީރު ޢަލީ އިޙްސާނެވެ. ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވަޒީރު އިޙްސާން ވިދާޅުވީ އެފްއެސްއެމްގެ މުވައްޒަފުންތަކެއް އެކުންފުނީގެ ތެލުން ވައްކަންކޮށް، އޭގެއިން ލިބޭފައިސާ ލޯންޑަރކުރަމުންދާކަމަށް ޝައްކު ކުރެވޭ މައްސަލައެއް ދިވެހި ފުލުހުންގެ ޚިދުމަތުން ތަހުގީގު ކުރަމުންދާ ކަމަށެވެ.
ވަޒީރު އިޙްސާން ވިދާޅުވިގޮތުގައި މި މައްސަލާގައި މިހާތަނަށް 10 މީހުންނާއި 2 ގނާއި 2 ގެއެއް އަދި ތެޔޮއުފުލާ 2 ބާޖު ފުލުހުންގެ ޙާއްސަ ޓީމުތަކުން ބަލައިފާސްކޮށްފައިވެއެވެ. އަދި މި މައްސަލައާ ގުޅުންހުރި އިލެކްޓްރޯނިކް ސާމާނާއި ލިޔެކިޔުންވެސް ހޯދާފައިވާކަމަށް ވަޒީރު ވިދާޅުވިއެވެ.
ފިއުލް ސަޕްލައިސް މޯލްޑިވްސްގެ މުވައްޒަފުންތަކެއް އެކުންފުނީގެ ތެލުން ވައްކަންކޮށް، އޭގެއިން ލިބޭފައިސާ ލޯންޑަރކުރަމުންދާކަމަށް ޝައްކު ކުރެވޭ މައްސަލައެއް ދިވެހި ފުލުހުންގެ ޚިދުމަތުންދަނީ ތަހުގީގު ކުރަމުން.
މި މައްސަލާގައި މިހާތަނަށް ފުލުހުންގެ ހާއްސަ ޓީމުތަކުންވަނީ 10 މީހުނާއި…
ވަޒީރު އިތުރަށް ވިދާޅުވީ މި މައްސަލައިގެ ތަހުގީގު ކުރިއަށްދާވަރަކުން ފުލުހުންގެ ފަރާތުން މައްސަލައާގުޅޭ އިތުރު ތަފްސީލު ހާމަކުރައްވާނެ ކަމަށެވެ. އަދި މިފަދަ މައްސަލަތައް ފާހަގަކޮށް، ފުރިހަމައަށް އަވަހަށް ތަހުގީގުކޮށް، ވަކި މީހަކު އިސްތިސްނާނުކޮށް ޤާނޫނީ ފިޔަވަޅު އެޅުއްވުމަކީ ރައީސުލްޖުމްހޫރިއްޔާ ޑރ. މުއިއްޒު ވަރަށް އިސްކަންދެއްވާކަމެއް ކަމަށްވެސް ވަޒީރު ފާހަގަކުރެއްވިއެވެ.
މި މައްސަލަ ތަހުގީގުކުރަމުންދާއިރު، މީގެ ކުރިންވެސް އެފްއެސްއެމްގެ މިފަދަ މައްސަލައެއް ވަނީ ފެންމަތިވެފައެވެ. އެގޮތުން، އެފްއެސްއެމް އާއި މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ މުވައްޒަފުންތަކެއް ގުޅިގެން ތެލުގެ މުއާމަލާތްތަކެއްގައި ކޮރަޕްޝަނުގެ އަމަލުތަކެއް ހިންގާފައިވާތީ 3 މީހެއްގެ މައްޗަށް ޕްރޮސިކިއުޓަރ ޖެނެރަލްގެ އޮފީހުން ވަނީ މިއަހަރުގެ ޖެނުއަރީމަހު ދައުވާކޮށްފައެވެ.
