ޔުއެފާ ނޭޝަންސް ލީގުގެ ކުއާޓަރ ފައިނަލަށް ކްރޮއޭޝިއާ ދަތުރުކޮށްފިއެވެ. އަމިއްލަ ދަނޑުގައި ޕޯޗުގަލާ ދެކޮޅަށް ކުޅުނު މެޗު 1-1 އިން އެއްވަރުކޮށް، އެ ޓީމު ކުއާޓާއަށް ދިޔައީ ގުރޫޕުން ދެވަނަ ހޯދައިގެންނެވެ.
މެޗުގެ ފުރަތަމަ ހާފުގައި ޕޯޗުގަލް މޮޅަށް ކުޅުނެވެ. އަދި 33 ވަނަ މިނެޓުގައި ޖޮއާއު ފެލިކްސްގެ ލަނޑުން ޕޯޗުގަލް ކުރި ހޯފިނަ،ަވެސް ދެވަނަ ހާފުގެ 65 ވަނަ މިނެޓުގައި ޖަސްކޯ ގްވާޑިއޯލްގެ ގޯލު ޖަހައި ކްރޮއޭޝިއާ އިން މެޗު އެއްވަރުކުރިއެވެ.
މި ނަތީޖާއާއެކު ޕޯޗުގަލް ވަނީ 14 ޕޮއިންޓާއެކު ގުރޫޕުން އެއްވަނަ ހޯދާފައެވެ. އަދި ކްރޮއޭޝިއާ ވަނީ އަށް ޕޮއިންޓާއެކު ދެވަނަ ހޯދާފައެވެ. މިއާއެކު ދެ ޓީމުވެސް ވަނީ ކުއާޓަރ ފައިނަލަށް ދަތުރުކޮށްފައެވެ.
ގުރޫޕުން ތިންވަނަ ހޯދި ސްކޮޓްލޭންޑަށް ލިބުނީ ހަތް ޕޮއިންޓެވެ. އެހެންކަމުން އެ ޓީމަށް ކުއާޓަރ ފައިނަލުގެ ފުރުސަތު ގެއްލުނެވެ.
