ސައުދީ އަރަބިއްޔާގެ ވަލީއަހުދު މުޙައްމަދު ބިން ސަލްމާން، ޖީ20 ސަމިޓަށް ވަޑައިނުގަންނަވާ ގޮތަށް ނިންމަވައިފިކަމަށް ރިޕޯޓުތަކުން ބުނެފިއެވެ.. މިގޮތަށް ނިންމެވުމަށް މެދުވެރިވި ސަބަބަކީ ކަންފަތުގެ ބައްޔެއްކަމަށް ބުނެވެއެވެ.

ބްލޫމްބާގް އިން ނަން ހާމަނުކުރާ މަސްދަރަކާއި ޙަވާލާދީ ރިޕޯޓުކޮށްފައިވާ ގޮތުގައި، މިއަދާއި މާދަމާ ބްރެޒިލްގެ ރިއޯ ޑި ޖެނެއިރޯގައި ބޭއްވުމަށް ހަމަޖެހިފައިވާ ޖީ20 ސަމިޓުގެ 19 ވަނަ ބައްދަލުވުމަށް ވަޑައިނުގަތުމަށް ވަލީއަހުދު ނިންމަވާފައިވަނީ ދިގު މުއްދަތެއްގައި ދިމާވެފައިވާ ކަންފަތުގެ ބައްޔެއްގެ ސަބަބުންނެވެ.

މި ބަލީގައި ކަންފަތް ބެދުމާއި ދުޅަވުން ހިމެނެއެވެ. މިއީ ގިނަ އަހަރުތަކެއް ވަންދެން ބޭރު ޤައުމުތަކަށް ކުރައްވާފައިވާ ދަތުރުފުޅުތަކުގައި ދިގު މުއްދަތަކަށް މަތީގައި ހޭދަކުރެއްވުމުގެ ސަބަބުން ޖެހިވަޑައިގެންފައިވާ ބައްޔެއް ކަމަށް ބުނެއެވެ. ރިއޯ ޑި ޖެނެއިރޯއަށް ދަތުރުކުރުމަށް 14 ގަޑިއިރު ނަގާނެއެވެ.

އަނެއްކޮޅުން، ޖީ20ގެ މިފަހަރު ފައިނަލް ރިޕޯޓު ނެރޭއިރު ޤައުމުތަކަށް އިސްރާއީލުން ވަނީ އިންޒާރުވެސް ދީފައެވެ. އެއީ އިސްރާއީލުން ދެމުންދާ ޙަމަލާތައް ކުށްވެރި ކުރުމުގެ ބަދަލުގައި ފަލަސްތީނާއި ލުބުނާން ކުށްވެރި ކުރުމަށެވެ.

ސައުދީ ވަލީއަހުދު ސަމިޓަށް ވަޑައިގަތް ކަމެއް މިހާތަނަށް އަދިނއެއްވެސް މަސްދަރަކުން ޔަޤީންކޮށްދީފައެއް ނުވެއެވެ.