"މޯލްޑިވްސް ޓޫރިޒަމް އެވޯޑްސް 2024" އަށް ކުރިމަތިލުމުގެ މުއްދަތު އިތުރުކޮށްފިއެވެ.
ޓޫރިޒަމް މިނިސްޓްރީން ބުނެފައިވަނީ، 28 ނޮވެމްބަރު 2024 ވާ ބުރާސްފަތި ދުވަހުގެ 13:00 ގެ ނިޔަލަށް އެވޯޑްތަކަށް ކުރިމަތިލުމުގެ ފުރުސަތު ހުޅުވާލާފައިވާ ކަމަށެވެ.
މޯލްޑިވްސް ޓޫރިޒަމް އެވޯޑްސްއަކީ ރާއްޖޭގެ ފަތުރުވެރިކަމުގެ ދާއިރާއިން ދެވޭ ޚާއްޞަ ޚިދުމަތްތައް ފާހަގަކުރުމަށް ކޮންމެ އަހަރަކު ދޭ ޝަރަފުވެރި އެވޯޑެކެވެ. މި އެވޯޑްތަކުގައި ރިސޯޓު، ގެސްޓްހައުސް، ލައިވްއަބޯޑު، ސަފާރީ އަދި ޓްރެވަލް އެޖެންސީ ފަދަ ކެޓަގަރީތަކުން ފަތުރުވެރިކަމުގެ ދާއިރާއިން ހޯދާފައިވާ ކާމިޔާބީތައް ފާހަގަކުރެއެވެ.
Advertisement
2024 ވަނަ އަހަރަށް 5 ކެޓަގަރީއަކުން ޖުމްލަ 23 އެވޯޑް ދިނުމަށް ވަނީ ހަމަޖެހިފައެވެ. މި އެވޯޑްތައް ދިނުމުގައި ބަލާނީ 2023 ވަނަ އަހަރުގެ ޖޫން މަހުގެ 1 ވަނަ ދުވަހުން ފެށިގެން 2024 ވަނަ އަހަރުގެ މެއި މަހުގެ 31 ވަނަ ދުވަހާ ހަމައަށް ފަތުރުވެރިކަމުގެ ސިނާޢަތުގައި މަސައްކަތްކުރި ތަންތަނަށެވެ.
މި އެވޯޑްތަކަކީ ރާއްޖޭގެ ފަތުރުވެރިކަމުގެ ސިނާޢަތުގައި ކުރިއަށް ގެންދާ އުފެއްދުންތެރިކަމާއި ތަފާތު ދާއިރާތަކުން ދައްކާ މޮޅުކަން ފާހަގަކުރުމަށް ދެވޭ ޚާއްޞަ އެވޯޑްތަކެކެވެ.
