ހަފްތާ 52 ގެ ކާމިޔާބުތަކާއި ގުޅިގެން އިޖްތިމާޢީ އަދި އާއިލީ ތަރައްޤީއާ ބެހޭ ވުޒާރާއިން "ބަދަހި ޢާއިލާ - އުފާވެރި މުޖުތަމަޢު"، މިޝިޢާރުގެ ދަށުން އާއިލީ ހަވީރެއް ބާއްވައިފިއެވެ.
މިއަދު ހަވީރު 16:00 އިން 18:00 ހުޅުމާލޭ ސެންޓްރަލް ޕާކުގައި މި އިވެންޓު ކުރިއަށް ގޮސްފާވާއިރު، މި އިވެންޓުގެ ތެރެއިން ތަފާތު ގޭމް ސްޓޯލްތަކާއި، ބައުންސިންގް ކާސަލްއާއި ކާބޯތަކެތީގެ ސްޓޯލްތަކުގެ އިތުރުން، ތަފާތު މެސްކޮޓްތަކުގެ ހަރަކާތްތައް ޢާއިލީ ހަވީރުގައި ކުރިއަށް ގެންގޮސްފައިވެއެވެ.
މިއަދު ހަވީރު ހުޅުމާލޭ ސެންޓްރަލް ޕާކުގައި މި ކުރިއަށް ދިޔަ ހަވީރުގައި ފާއިތުވި އަހަރުގެ ތެރޭގައި އެ ވުޒާރާއިން ކުރެވުނު މަސައްކަތްތަކުން ހާޞިލުކުރެވުނު ކާމިޔާބީތައް ރައްޔިތުންނާއި ހިއްސާކުރުމުގެ އިތުރުން އަންހެނުންނާއި، ކުޑަކުދިންނާއި، ނުކުޅެދުންތެރިކަން ހުންނަ ފަރާތްތަކާއި އަދި އިސްރަށްވެހިންނަށް އަމާޒުކޮށްކޮށްގެން ކުރިއަށް ގެންދެވުނު މަސައްކަތްތަކާއި، އެ ވުޒާރާއިން ފޯރުކޮށްދެމުން އަންނަ ޚިދުމަތްތަކުގެ މަޢުލޫމާތު ރައްޔިތުންނަށް ފޯރުކޮށްދިނެވެ.
Advertisement
މި ހަވީރުގައި މިނިސްޓްރީ އޮފް ޓްރާންސްޕޯޓްއެންޑް ސިވިލް އޭވިއޭޝަނާއި ހައުސިންގް ޑިވެލޮޕްމަންޓް ކޯޕަރޭޝަންގެ އިތުރުން، އުރީދޫއާއި، މޯލްޑިވްސް ޕެންޝަން އެޑްމިނިސްޓއްރޭޝަން އޮފީހާއި މޯލްޑިވްސް ޕޮލިސްސަރވިސްއާއި، ނެޝަނަލް ސޯޝަލް ޕްރޮޓެކްޝަން އޭޖެންސީ، އަދި ފެމެލީ ޕްރޮޓެކްޝަން އޮތޯރިޓީއިން ވެސް ވަނީ ބައިވެރިވެފައެވެ.
ޙާއްސަ ކަމެއް ގޮތުން ފާއިތުވި އެއް އަހަރުގައި ތެރޭގައި އެ ވުޒާރާއިން ހާސިލުކޮށްފައިވާ ކާމިޔާބީތަށް ހިމެނޭ ބުކްލެޓެއްވަނީ ލޯންޗުކޮށްފައެވެ. މި ބުކްލެޓް ލޯންޗުކޮށްދެއްވާފައިވަނީ އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމެވެ.
