ޓޫރިޒަމް މިނިސްޓްރީން ކުރިއަށްގެންދާ ފޯވަރޑް ފިފްޓީ ޓޫ ވީކްސް ފާހަގަކުރުމުގެ ގޮތުން ހުޅުމާލޭ ބީޗުގައި ޚާއްޞަ ހަފްލާއެއް މާދަމާ އޮންނާނެ ކަމަށް އެ މިނިސްޓްރީން ބުނެފިއެވެ. މި އިވެންޓް އޮންނާނީ މާދަމާ ހަވީރު 4:00 އިން 6:00 އަށެވެ.
މި އިވެންޓުގައި ބައިވެރިވުމަށް ޓޫރިޒަމް މިނިސްޓްރީން ވަނީ ހުރިހާ ރައްޔިތުންނަށް ހޫނު މަރުޙަބާއެއް ކިޔާފައެވެ. ޢާއިލާތަކަށް އަމާޒުކޮށްގެން ކުރިއަށްގެންދާ މި ހަފްލާގައި ބީޗް ހަރަކާތްތަކާއި މޫދުގެ ކުޅިވަރުތައް ހިމެނޭ ގޮތަށް ގިނަ ހަރަކާތްތަކެއް ކުރިއަށް ގެންދިއުމަށް ވަނީ ރޭވިފައެވެ.
ފަތުރުވެރިކަމުގެ ދާއިރާގައި ދިވެހިރާއްޖެއިން ހޯދާފައިވާ ކުރިއެރުންތައް ފާހަގަކުރުމުގެ ގޮތުން ބާއްވާ މި ހަފްލާގައި ބައިވެރިވެ، އުފާވެރި ވަގުތުތަކެއް ހޭދަކުރުމަށް ޓޫރިޒަމް މިނިސްޓްރީން ވަނީ ޢާންމުންނަށް ގޮވާލާފައެވެ. މިއީ ދިވެހިރާއްޖޭގެ ފަތުރުވެރިކަމުގެ ދާއިރާގެ ކުރިއެރުމާއި ކާމިޔާބީތައް އެންމެންނާއި ޙިއްޞާކުރުމުގެ ފުރުޞަތެއްކަމަށް މިނިސްޓްރީން ބުނެފައިވެއެވެ.
Advertisement
ފޯވަރޑް ފިފްޓީ ޓޫ ވީކްސްގެ ނަމުގައި ކުރިއަށްގެންދާ މި ޙަރަކާތަކީ ދިވެހިރާއްޖޭގެ ފަތުރުވެރިކަމުގެ ދާއިރާ ތަރައްޤީކުރުމަށް ކުރެވޭ މަސައްކަތްތައް ފާހަގަކޮށް، ކުރިއަށް އޮތް ތަނުގައި މި ދާއިރާ އިތުރަށް ކުރިއެރުވުމަށް ބާރުއެޅުމުގެ ގޮތުން ކުރިއަށްގެންދާ ހަޙަކާތެކެވެ.
