ދުނިޔޭގެ ނަފްސާނީ ސިއްޙަތުގެ ދުވަހާ ގުޅިގެން ކުރިއަށް ގެންދާ "ޝޭޑްސް އޮފް މައިންޑް" އާޓް އެގްޒިބިޝަން ފަށައިފިއެވެ.

މި އާޓް އެގްޒިބިޝަން ހުޅިވައިދެއްވާ، ރަސްމިއްޔާތު ޝަރަފުވެރިކޮށްދެއްވި ރައީސުލްޖުމްހޫރިއްޔާގެ ނައިބު ހުސައިން މުޙައްމަދު ލަތީފުއެވެ.

ޔޫތު މިނިސްޓްރީން ބުނީ މިމަހު 17ގެ ނިޔަލަށް ނެޝަނަލް އާޓް ގެލެރީގައި މި އެގްޒިބިޝަން ކުރިއަށްގެންދިއުމަށް ހަމަޖެހިފައިވާއިރު ފަންނުވެރިންގެ މަސައްކަތްތައް ވިއްކައިގެން އެފަރާތްތަކަށް އާމްދަނީ ލިބިގެންދާނެ ކަމަށެވެ.

މިނިސްޓްރީން ބުނީ އެގްޒިބިޝަންގެ ތާރީޚުތަކުގައި އާޓް ގެލެރީއަށް ހިލޭ ވަދެވޭނެ ކަމަށެވެ.

ނަފްސާނީ ސިއްޙަތުގެ ދުވަހާ ގުޅިގެން ޔޫތު މިނިސްޓްރީގެ ފަރާތުން އާޓް އެގްޒިބިޝަނެއް ހުޅުވުމުގެ މައިގަނޑު މަޤްސަދަކީ، ފަންނުވެރިކަމުގެ ތެރެއިން ނަފްސާނީ ހޭލުންތެރިކަން އިތުރުކުރުމާއި، ނަފްސާނީ ދުޅަހެޔޮކަމުގެ މުހިންމުކަން ގެނެސްދިނުން ކަމަށް އެ މިނިސްޓްރީން ބުންޏެވެ.