2020 ވަނަ އަހަރު ފްރާންސްގެ ސްކޫލެއްގެ ޓީޗަރެއް މަރާލި މައްސަލައިގެ ޝަރީއަތް ފަށައި، އަށް މީހެއްގެ މައްޗަށް ދައުވާ އުފުލައިފި އެވެ.
ރަސޫލާ މުޙައްމަދު ޞައްލަﷲ ޢަލައިހި ވަސައްލަމަށް ފުރައްސާރަކޮށް ކާޓޫނު ކުރެހި މައްސަލައިގައި ފްރާންސްގެ ސްކޫލެއްގެ ޓީޗަރު މަރާލާފައި ވަނީ 2020 ވަނަ އަހަރުގެ އޮކްޓޯބަރު މަހުގެ 16 ވަނަ ދުވަހު ޕެރިހުގެ ސަބަރބްގައެވެ. ފުރާންސްގެ ޚަބަރުތައް އޭރު ބުނިގޮތުގައި މި ހާދިސާ ހިނގާފައިވަނީ ޚިޔާލުފާޅުކުރުމުގެ މިނިވަންކަމާ ބެހޭ ގޮތުން ކްލާސް ޑިސްކަޝަނެއްގައި ރަސޫލުﷲ ޞޢވގެ ސޫރަ ކަމަށްބުނެ ތަސްވީރު ދެއްކުމަށްފަހު، އެކަމުގެ ސަބަބުން އުފެދުނު ރުޅިވެރިކަމުގެ ތެރޭގައެވެ. އެމައްސަލައިގައި ފްރާންސް ސަރުކާރުން ޓީޗަރު ސެމިއުލް އަށް ޤައުމީ ފެންވަރުގައި ޝުކުރު އަދާކޮށް، ރެޑިކަލައިޒޭޝަން އަށް ހައްލެއް ހޯދައި، ސެކިއުލަރ އުޞޫލުތައް ވަރުގަދަ ކުރުމަށް މަސައްކަތްތަކެއް ފެށި އެވެ.
ނޫސްތަކުން ބުނާ ގޮތުގައި އެ ޓީޗަރުގެ ކަރުބުރިކޮށްލި މީހާ ވަނީ ޙަމަލާ ދިނުމުގެ ކުރިން "ﷲ އަކްބަރު" އޭ ގޮވާފައެވެ.
Advertisement
ޙަމަލާދިން މީހާ ކަމަށްވާ ޢަބްދުﷲ އަންޒޯރޯވް ވަނީ ސެމިއުލް މަރާލިތާ މާގިނައިރުތަކެއް ނުވެ ފުލުހުންގެ ބެލުމުގެ ދަށަށް ގެންގޮސްފައެވެ.
ޑިސެމްބަރު މަހުގެ ނިޔަލަށް ކުރިއަށް ގެންދިއުމަށް ހަމަޖެހިފައިވާ ޝަރީއަތުގެ މަޖިލީހަށް އިއްޔެ ވަނީ ހަތް ފިރިހެނަކާއި އަންހެނަކު ކޯޓަށް ހާޒިރުކޮށްފައެވެ. އޭގެތެރޭގައި 18 އަހަރު ނުފުރޭ 6 ކުދިންވެސް ހިމެނެއެވެ.
މިމައްސަލައިގައި ދަޢުވާކުރަނީ އެމީހުންނަށް 30 އަހަރުގެ ޖަލު ޙުކުމެއް އަންނަ ގޮތަށް ކަމަށް ޚަބަރުތައް ބުނެއެވެ.
