ތިން ހަފްތާތެރޭ 800 މީހުން ފަލަސްޠީނުން ޝަހީދުކޮށްލައިފި

މެދުނކެނޑި ތިން ހަފްތާވަންދެން ޖަބަލިޔާގެ ރެފިއުޖީ ކޭމްޕަށް ދިން ޙަމަލާގައި މިހާތަނަށް 800 އަށްވުރެ ގިނަ މީހުން ޝަހީދުވެއްޖެ އެވެ. ޣައްޒާގެ ހެލްތު މިނިސްޓްރީން ރިޕޯޓްކޮށްފައިވާ ގޮތުގައި މި މުއްދަތުގައި 800 މީހުން ޝަހީދުވިއިރު، ޖަބަލިއާ، ބައިތު ހަނޫން އަދި ބައިތު ލާހިޔާއަށް ވަނީ ބޮޑެތި ގެއްލުންތަކެއް ލިބިފައެވެ. 

ފަލަސްތީނުގެ ނޫސް އެޖެންސީ ވާފާ އިން ވަނީ އާދީއްތަ ދުވަހު ދިން ޙަމަލާތަކުގައި ވެސް އިތުރު 20 މީހަކު ޝަހީދުވިއެވެ. އިސްރާއީލުން ޙަމަލާތައް އަމާޒުކުރަނީ އެއްވެސް އިންޒާރުދިނުމެއް ނެތި މީހުން ދިރިއުޅޭ ޢިމާތރާތްތަކަށެވެ. 

އިސްރާއީލުގެ އަސްކަރިއްޔާއިން ވަނީ އެ ސަރަހައްދުގައި ހުރި ހަމާސްގެ މެމްބަރުން ތިބޭ ތަނެއް ކަމަށް ބުނެވެސް ޢާންމުން އުޅޭ ތަނަކަށް ހަމަލާ ދީފައެވެ. އެހަމަލާތަކުގައި 24 ގަޑިއިރުގެ ތެރޭގައި 40 އަށް ވުރެ ގިނަ މީހުން ޝަހީދު ކޮށްލާފައިވާކަމަށް ރިޕޯޓްތައް ބުނެ އެވެ.

^{ޖަބަލިޔާގެ ރެފިއުޖީކޭމްޕު ސުންނާފަތިކޮށްފައި}