ހިޒްބުﷲއިން އިޒްރޭލަށް ދެމުންދާ ޙަމަލާތައް އާދަޔާ ޚިލާފަށް ވަރުގަދަ ކޮށްފިއެވެ.

ހިޒްބުﷲއިން މިހާރަކަށް އައިސް ދެމުންދާ ޙަމަލާތައް ހުއްޓުވުމުގެ މާބޮޑު ޤާބިލްކަމެއް އިޒްރޭލުގެ އެއާޑިފެންސް ސިސްޓަމްތަކުގައިވެސް ނެތެވެ. ޚަބަރުތައް ބުނާ ގޮތުގައި މިހާރަކަށް އައިސް ކޮންމެ ދުވަހަކު ހިޒްބުﷲއިން ދަނީ އިޒްރޭލުގެ ވެރިރަށް ޓެލްއަވީވްގެ އިތުރުން ހައިފާއަށް އަމާޒުކޮށްގެން ހަމަލާތައް ދެމުންނެވެ. ހިޒްބުﷲއިން އިންޒާރު ދީފައިވަނީ ލުބުނާޏުގެ ރައްޔިތުން ސަލާމަތްކުރުމުގެ ގޮތުން އިޒްރޭލަށް ނޖުރައްކާތެރި ހަމަލާތައް ދިނުމުގައި ދެމިއޮންނާނެ ކަމަށެވެ.

ހިޒްބުﷲގެ ހަމަލާތަކުގެ ސަބަބުން މުޅި އިޒްރޭލުގެ އެކި ތަންތަނުގައި ރޯވެ އަނދަމުންދާއިރު އެތަން ވަނީ ނާމާން ވެފައެވެ.

ހިޒްބުاللهގެ ސްޓްރެޓެޖީއަށް މި ބަދަލު އައިސްފައި މިވަނީ އިސްރާއީލުން ކުރިއަށް ގެންދާ އެއްގަމު އަސްކަރީ އޮޕަރޭޝަނަށް ރައްދު ދިނުމުގެ ގޮތުން ކަމަށް އެ ޖަމްޢިއްޔާއިން ބުނެއެވެ. 

ހިޒްބުﷲގެ ޙަމަލާތަކުގައި ފާއިރުވީ ދެތިންދުވަހުވެސް އިޒްރޭލުގެ ސިފައިންނަށް ލިބޭ ގެއްލުންތައް އިތުރުވަމުންދާއިރު، އެ އޮޕަރޭޝަން ފެށިފަހުން 70 އަށް ވުރެ ގިނަ ސިފައިން މަރުވެ 700 އަށް ވުރެ ގިނަ މީހުން ޒަޚަމްވެފައިވެ އެވެ.

ހިޒްބުاللهގެ ހަމަލާތައް މިހާރު އިސްރާއީލުގެ އެންމެ ފުންމިނަށް ފޯރައެވެ. ފުޅާ ދާއިރާއެއްގައި ބެލިސްޓިކް މިސައިލްތަކާއި ޑްރޯންތައް ދަނީ ބޭނުންކުރަމުންނެވެ. އެގޮތުން އިސްރާއީލުގެ ތެރެއަށް 150 ކިލޯމީޓަރާއި ހަމައަށް ހަމަލާތައް ފޯރައެވެ. 

މީގެއިތުރުން ހިޒްބުﷲއިން ވަނީ ލުބުނާނާއި ބޯޑަރުކައިރީގައިވާ ޔަހޫދީންގެ 25 އަވަށަކުން މީހުން ހުސްކުރުމަށް ވެސް އިންޒާރު ދީފައެވެ.