ލުބުނާނުގައި ހިޒްބުاللهއާ ދެކޮޅަށް ހިންގާ އެއްގަމު އޮޕަރޭޝަންތައް ވަރަށް އަވަހަށް ހުއްޓާލާނެ ކަމަށް އިސްރާއީލުގެ ސިފައިންގެ ޗީފް އޮފް ސްޓާފް ހާޒޭ ހަލޭވީ ބުނެފިއެވެ.
މި ނިންމުން އިސްރާއީލުން ނިންމާފައިމިވަނީ ހިޒްބުﷲގެ ބާރުތައް ނިއުޓްރަލައިޒް ކޮށްލުމަކަށް ކަމަށް ބުނެ މަހެއްހާދުވަސް ވަންދެން މެދުނުކެނޑި ހަމަލާތައް ދިނުމަށްފަހުގައެވެ.
ހިޒްބުﷲގެ ލީޑަރުންނާއި ކޮމާންޑަރުންތައް މަރާލައި ނުވަތަ ޝަހީދުކޮށްލުމަށްފަހު އިސްރާއީލުން ކޮންމެވެސް ވަރެއްގެ ކުރިއެރުމެއް ލިބިފައިވާ ކަމަށް ބުނާއިރު، އަސްލު އެމީހުންގެ މަޤްޞާދު ޙާޞިލް ނުވާކަމަށް މުހައްލިލުން ބުނެއެވެ. ނަމަވެސް އިސްރާއީލުން ބުނަނީ މަޤްޞަދުތައް ޙާޞިލްވެފައިވާ ކަމަށެވެ.
Advertisement
ޚަބަރުތައް ބުނާ ގޮތުގައި އިސްރާއީލުން ހިޒްބުﷲ ނެތިކޮށްލުމަށް ނުވަތަ ނިއުޓްރަލައިޒް ކޮށްލުމަށް ކުރި މަސައްކަތް ކާމިޔާބުނުވީ ހައިފާ އާއި ޓެލްއަވީވް އަށް ހަމަލާތައް ދިނުން ހިމެނޭ ގޮތަށް ހިޒްބުاللهގެ ވަރުގަދަ ހަމަލާތަކުގެ ސަބަބުންނެވެ. މިހާރު ހިނގަމުންދާ ހަމަނުޖެހުންތަކުގެ ސަބަބުން އިސްރާއީލަށް ބޮޑެތި ގެއްލުންތަކެއް ލިބިފައިވާތީ، އަސްކަރީ ސްޓްރެޓެޖީ އަލުން ވަޒަން ކުރަން ޖެހެ އެވެ.
ހިޒްބުﷲއިން ދެމުންދާ ޙަމަލާތަކުގެ ސަބަބުން އިސްރާއީލަށް ބޮޑެތި ގެއްލުންތައް ލިބެމުންދާއިރު، ލުބުނާނުގައި ކުރަމުންދާ ހަނގުރާމަ ހުއްޓާލަނީ އިސްރާއީލަށް ލިބޭ ގެއްލުންތައް ހަނިކުރުމަށެވެ.
