ސަރުކާރު ހިންގާ ޕްރޮގްރެސިވް ޕާޓީ އޮފް މޯލްޑިވްސް (ޕީއެންސީ) ރާއްޖޭގެ އެންމެ ބޮޑު ސިޔާސީ ޕާޓީއަށް ވެއްޖެއެވެ. ޕާޓީގެ ޕާލިމެންޓަރީ ގްރޫޕްގެ ލީޑަރު އިބްރާހިމް ފަލާހު ވިދާޅުވި ގޮތުގައި މިހާތަނަށް ޕީއެންސީގައި 65،000 މެންބަރުން ހަމަވެއްޖެއެވެ. އެހެންކަމުން ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ވަނީ ރައްޔިތުންގެ މެދުގައި މަޤްބޫލްކަން ގެއްލި ދެވަނައަށް ވެއްޓިފައެވެ.

މީގެ ކުރިން ރައީސް މުޙައްމަދު މުއިއްޒު ވަނީ 75،000 މެންބަރުން ހަމަކުރުމަށް ޕާޓީގެ އިސް ފަރާތްތަކަށް އަންގަވާފައެވެ. މި އަމާޒާއި ހަމައަށް ވާޞިލުވުމަށް ޕީއެންސީން ދަނީ ގަދައަޅައި މަސައްކަތް ކުރަމުންނެވެ.

ޑޭޓާތައް އަޕްޑޭޓ ކުރުމުގެ ކުރިން، މިއަދު އިލެކްޝަންސް ކޮމިޝަނުގެ އެންމެ ފަހުގެ މަޢުލޫމާތުން ދައްކާ ގޮތުގައި އެހެން ސިޔާސީ ޕާޓީތަކުގެ މެންބަރުންގެ ޢަދަދު މާ ދަށެވެ. އިލެކްޝަންސް އޮފީހުގެ ވެބްސައިޓްގައި މިހާރު ހުރި ޕާޓީތަކުގެ ދަފްތަރުގައިވާ ނަމްބަރުތައް އަޕްޑޭޓް ވާނެއެވެ. މިވަގުތު ޕީއެންސީގެ މާސްޓަރ ޝީޓުން 65000 މެމްބަރުން ހަމަވެފައިވާކަމަށް ދައްކާއިރު، އިލެކްޝަންސް އޮފީހުގެ ވެބްސައިޓުން ދައްކަނީ އެމްޑީޕީގައި 50،851 މެންބަރުން ތިބި ކަމަށެވެ އަދި ޖުމްހޫރީ ޕާޓީގައި 17،379 މެންބަރުން ތިބިކަން ފާހަގަކުރެވެއެވެ.

އެހެނިހެން ޕާޓީތަކުގެ ތެރޭގައި، ޢަދާލަތު ޕާޓީގައި 8،512 މެންބަރުން، މޯލްޑިވްސް ޑިވެލޮޕްމެންޓް އެލަޔަންސްގައި 8،296 މެންބަރުން، މޯލްޑިވްސް ނެޝަނަލް ޕާޓީގައި 7،519 މެންބަރުން، އަދި ކުރީގެ ރައީސް މުޙައްމަދު ނަޝީދުގެ 'ދަ ޑިމޮކްރެޓްސް' ގައި 4،328 މެންބަރުން ހިމެނެއެވެ. ކުރީގެ ރައީސް ޢަބްދުﷲ ޔާމީނުގެ ޕީޕަލްސް ނެޝަނަލް ފްރަންޓްގައި ތިބީ އެންމެ 3،172 މެންބަރުންނެވެ. މި ހުރިހާ ތަފާސްހިސާބަކަށް އަދި ބަދަލު އަންނާނެ ކަމަށް ބެލެވޭއިރު، މި ކާމިޔާބީއާއެކު، ކުރިއަށް އޮތް ރިޔާސީ އިންތިޚާބަށް ޕީއެންސީން ވަރަށް ބޮޑު އިތުބާރަކާއެކު ކުރިމަތިލާނެއެވެ.