އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސަޢީދަށް މަރުގެ އިންޒާރު ދީފިއެވެ.

ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ ޝަހީމަށް މަރުގެ އިންޒާރު ދިން މައްސަލަ ސިޓީއަކުން އިއްޔެ ފުލުހަށް ހުށަހަޅާފައިވާ ކަމަށެވެ.

ނަމަވެސް މި މައްސަލައާ ގުޅޭ އިތުރު އެއްވެސް ތަފްސީލެއް ފުލުހުން ޙިއްސާކޮށްފައެއް ނުވެއެވެ.

ފުލުހުން ބުނީ މި މައްސަލަ ތަހުޤީޤުކުރަމުން އަންނަ ކަމަށެވެ.

ޝަހީމަކީ އިސްލާމިކް މިނިސްޓަރު ކަމާއި ހަވާލުވެވަޑައިގަތުމަށް ފަހު އަދި އޭގެ ކުރިންވެސް ދީނީ ކަންތައްތަކުގައި ވަކާލާތުކޮށް އަޑު އުފުލަމުން އައި ބޭފުޅެކެވެ. އެބޭފުޅާ މިނިސްޓަރު ކަމާއި ޙަވާލުވެވަޑައިގަތުމަށް ފަހު ވެސް ދިވެހިރާއްޖޭގައި އިސްލާމް ދީނަށް ދޭ އަހަންމިއްޔަތުކަން ބޮޑު ކުރުމަށާއި، މުޖުތަމަޢުގައި ދީނަށް އިތުރަށް އަހުލުވެރިކުރުވުމަށް ގިނަގުނަ މަސައްކަތްތަކެއް އަންނަނީ ކުރައްވަމުންެނެވެ.