މިރޭ އެންމެ އަލިގަދަ ފުލްމޫން ފެންނާނެ: ރައީސް މައުމޫން

މިރޭ ފެންނާނެ "ސުޕަރ ހަންޓަރޒް ފުލްމޫން" އަކީ މިއަހަރު ފެންނާނެ އެންމެ ބޮޑު އަދި އެންމެ އަލިގަދަ ފުލްމޫން ކަމަށް ކުރީގެ ރައީސް، މައުމޫން އަބްދުލް ގައްޔޫމް ވިދާޅުވެއްޖެއެވެ.

ރައީސް މައުމޫން ދެއްވި މަޢުލޫމާތުގައި، މިރޭ ހަނދު އަރާނީ މިއަދު ހަވީރު 5:49 ގައި ކަމަށާއި، އޮއްސޭނީ މާދަމާ ހެނދުނު 6:23 ގައި ކަމަށް ވިދާޅުވިއެވެ. އަދި މި ޚާއްޞަ މަންޒަރު ބަލާލުމަށް ރައްޔިތުންނަށް އިލްތިމާސް ކުރެއްވިއެވެ.

ފުލްމޫން އަކީ ކޮންމެ މަހަކު އެއްފަހަރު ފެންނަ މަންޒަރެއް ނަމަވެސް، މިފަދަ ޚާއްޞަ ފުލްމޫނެއް ފެނުމަކީ މަދުން ލިބޭ ފުރުޞަތެކެވެ. ވީމާ، މޫސުން ތަންދޭނަމަ، ގިނަ ބަޔަކު މި މަންޒަރު ބަލާލުމަށް ޝައުޤުވެރިވާނެއެވެ.

ރައީސް މައުމޫން މިފަދަ މަޢުލޫމާތު ހިއްސާކުރެއްވުމަކީ އާންމު ކަމެކެވެ. އެމަނިކުފާނުގެ ސޯޝަލް މީޑިއާ ޕްލެޓްފޯމްތަކުގައި އެކި ދުވަސްވަރާއި ގުޅޭ މުހިންމު މަޢުލޫމާތު ޙިއްސާކުރައްވައެވެ.