ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ކުރީގެ ރައީސް ބައްސާމް އަދީލް ޖަލީލު ހުޅުމާލޭ އަމީން އެވެނިއުއިން ގަނެފައިވާ ދެ އެޕާޓްމަންޓް ފުލުހުންނާއި ހަވާލުކުރަން އެންގި މައްސަލަގައި އޭނާ ހައިކޯޓަށް ހުށަހެޅި މައްސަލަ އެ ކޯޓުން ބަލައި ނުގަތުމަށް ނިންމައިފި އެވެ.
އެ ދެ އެޕާޓްމަންޓް ހަވާލުކުރުމަށް ފުލުހުން ބައްސާމްއަށް އެންގި ނަމަވެސް ޙާލަތު ހުރިގޮތުން އެޕާޓްމަންޓް ހުސްކުރުމަށް އިތުރު ވަގުތު ދެއްވުމަށް އެދި ބައްސާމުގެ ފަރާތުން ފުލުހަށް ސިޓީއެއް ވެސް ހުށަހެޅި އެވެ.
އެ ސިޓީއަށް ރިއާޔަތްކޮށް, އިތުރު 24 ގަޑިއިރު ފުލުހުން ބައްސާމަށް ދިނެވެ. އެ އެންގުމާ އެއްގޮތަށް ބައްސާމް ވަނީ މިމަހުގެ 8ވަނަ ދުވަހު އެޕާޓްމަންޓް ފުލުހުންނާއި ޙަވާލު ކޮށްފަ އެވެ. އެއަށްފަހު ފުލުހުންގެ އެ ނިންމުން ބަދަލުކޮށްދިނުމަށް އެދި ބައްސާމްގެ ފަރާތުން އެމައްސަލަ ހައިކޯޓަށް ހުށަހެޅީ ވެސް ހަމަ އެ ދުވަހުއެވެ..
Advertisement
ފުލުހުން މީގެ ކުރިން ބުނެފައިވާ ގޮތުގައި އަމީން އެވެނިއުން ބައްސާމް ގަތް ދެ އެޕާޓްމަންޓަކީ އެފްއޭއެމްގެ ފައިސާއިން ގަނެފައިވާ ދެތަނެވެ.
ބައްސާމް އަށް ތުހުމަތު ކުރެވޭ ޚިޔާނާތާއި މަނީ ލޯންޑްރީގެ މައްސަލައިގައި އޭނާގެ ޕާސްޕޯޓު ވަނީ ހިފަހައްޓާފައެވެ.
