މިއަހަރުގެ ފެބްރުއަރީ 21 ވަނަ ދުވަހު ހުޅުމާލޭގެ އުތުރުފަރާތު ފަރަށް އެރި ޓަގު "އަނަޑީ" އާއި ބާޖު "އޭއެމް މަނުމިޓް" ގެ ވެރިފަރާތް 29,201,946 ރުފިޔާއިން ޖޫރިމަނާކޮށްފިއެވެ.
އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕީއޭ) އިން ބުނި ގޮތުގައި، މި އުޅަނދުތައް ފަރުމަތިން ނަގާފައިވަނީ އޭޕްރީލް 23 ގައެވެ. އަދި ފަރަށް ލިބުނު ގެއްލުން ވަޒަންކުރުމަށް، އުޅަނދުތަކުގެ ވެރިފަރާތުން އައްޔަންކުރި ސަރވެޔަރުންނާއެކު ޖޮއިންޓް ސަރވޭއެއް ކުރިއަށް ގެންގޮސްފައިވާކަމަށް އީޕީއޭ އިން ބުންޏެވެ.
މި ސަރވޭއިން ދައްކާ ގޮތުގައި، އުޅަނދުތައް ފަރަށް އެރުމުގެ ސަބަބުން އެ ސަރަޙައްދުގެ 1,159 އަކަ މީޓަރަށް ބޮޑެތި ގެއްލުންތަކެއް ވަނީ ވެފައެވެ.
Advertisement
އީޕީއޭ އިން އިތުރަށް ހާމަކުރި ގޮތުގައި، މި ޖޫރިމަނާގެ ފައިސާ 30 ދުވަހުގެ ތެރޭގައި ދެއްކުމަށް އުޅަނދުތަކުގެ އޮޕަރޭޓަރ ކަމުގައިވާ ދި މިޑްލް އީސްޓް މެރިން އެލްއެލްސީއަށް މި މަހުގެ ފުރަތަމަ ދުވަހު ވަނީ އަންގާފައެވެ.
