އިސްރާއީލަށް ހަތިޔާރު ވިއްކުން ހުއްޓާލުމަށް ފްރާންސްގެ ރައީސް އިމަނުއެލް މެކްޚޮން ގޮވާލެއްވުމުން އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަރަށްބޮޑަށް ރުޅިއައިސް މެކްޚޮންއަށް ފާޑު ވިދާޅުވެއްޖެއެވެ.

ނަތަންޔާހޫ އިއްޔެ ވަނީ ފްރާންސުން އިސްރާއީލުގެ ސަލާމަތަށް ބުރޫއަރާ ކަމަށް ތުހުމަތުކޮށް ވަރަށް ބޮޑަށް ނުރުހުން ފާޅުކުރައްވާފަ އެވެ. 

ފަލަސްޠީނުގެ ނަސްލު ނައްތާލުމަށް ފާޅުގައި މުޅި ދުނިޔެއާއި ދެކޮޅަށް މަސައްކަތް ކުރަމުންދާ ޔަހޫދީންގެ ވެރިޔާ ނަތަންޔާހޫ ފުރާންސްގެ ރައީސް އިމަނުއެލް މެކްޚޮން ދެކެ ކޯފާވެފައި ހުންނެވިއިރު، އިސްރާއީލަށް ހަތިޔާރު ނުވިއްކުމަށް މެކްޚޮން އިލްތިމާސް ކުރެއްވީ ސައިޕްރަސްގައި ބޭއްވި ވިލާތުގެ އިއްތިހާދު (އީޔޫ)ގައި ހިމެނޭ މެޑިޓެރޭނިޔަން ސަރަޙައްދުގެ ޤައުމުތަކުގެ (މެޑް9) ބައްދަލުވުމަށް ފަހު ނޫސްވެރިންނާ ވާހަކަފުޅު ދައްކަވަމުންނެވެ. 

އެމްއީޑީ9 ސަމިޓަށް ފަހު، އީޔޫގެ މެޑިޓެރޭނިއަންގެ ލީޑަރުން ވަނީ ޣައްޒާ އާއި ލުބުނާނުގައި އިސްރާއީލުން ކުރަމުންދާ ހަމަލާތައް މެކްޚޮން ވަނީ ވަރަށް ބޮޑަށް ކުށްވެރިކޮށްފަ އެވެ. މިކަމުގެ ސަބަބުން ނަތަންޔާހޫގެ ރުޅިވެރިކަމާއި އިސްރާއީލުގެ މުހިންމު އެކުވެރިޔާ އެމެރިކާގެ ކަންބޮޑުވުންތައް އުފެދުނު ނަމަވެސް އިސްރާއީލަށް ހަތިޔާރު ފޯރުކޮށްދިނުން ހުއްޓުވުމަކީ ސުލްހައަށް މުހިންމު ކަމެއް ކަމަށް މެކްޚޮން ފާހަގަކުރެއްވި އެވެ. އެމެރިކާއާ އަޅާބަލާއިރު ފްރާންސުން ހަތިޔާރު ފޯރުކޮށްދޭ މިންވަރު މަދު ނަމަވެސް، މިދިޔަ އަހަރު ވަނީ އިސްރާއީލަށް 33 މިލިއަން ޑޮލަރުގެ ހަތިޔާރު ވިއްކާފައެވެ. މި ހަމަނުޖެހުމުގެ ސަބަބުން ޣައްޒާގައި ފަލަސްތީނުގެ ބައިލައްކައެއްހާ މީހުން ޝަހީދުވެފައިވާއިރު ލުބުނާނުގައި އިތުރު އެތައް ހާސް ބަޔަކު ވޝަހީދުވެ ބައިނަލްއަގްވާމީ ކަންބޮޑުވުންތައް ވަނީ އުފެދިފަ އެވެ.