ކޫއްޑޫ އެއަރޕޯޓު މަރާމާތުކޮށް ވީހާވެސް އަވަހަކަށް ހުޅުވޭނެ ޓްރާންސްޕޯޓް މިނިސްޓަރ މުހައްމަދު އަމީން ވިދާޅުވެއްޖެއެވެ.

މިނިސްޓަރ މިހެން ވިދާޅުވީ މޯލްޑިވިއަން އިން ކޫއްޑޫއަށް ދަތުރުތައް ހުއްޓާލަން ނިންމުމާ ގުޅިގެންނެވެ.

މޯލްޑިވިއަން އިން ކޫއްޑޫއަށް ދަތުރުތައް ހުއްޓާލަން ނިންމީ ދިގު މުއްދަތެއްގައި އެއަރޕޯޓު މެއިންޓެއިން ނުކުރެވި އަދި ރަންވޭގެ ޙާލަތު ދަށްވެފައިވުމާ ގުޅިގެންނެވެ. މީގެ ސަބަބުން މޯލްޑިވިއަންގެ ދެ ބޯޓަކަށް ގެއްލުން ވެފައިވާ ކަމަށް ވެސް ބުނެއެވެ.

މިނިސްޓަރ ވިދާޅުވީ މިނިސްޓްރީގެ އިސްނެގުމާއެކު، ސިވިލް އޭވިއޭޝަން އޮތޯރިޓީއާއި، އެއަރޕޯޓު އޮޕަރޭޓަރ އަދި ގުޅުންހުރި އެހެނިހެން ފަރާތްތަކާ ގުޅިގެން މައްސަލަ ޙައްލުކުރުމުގެ މަސައްކަތް ފަށާފައިވާ ކަމަށެވެ. އަދި އިރާދަކުރެއްވިއްޔާ ވަރަށް އަވަހަށް މައްސަލަ ޙައްލުކޮށް އެއަރޕޯޓު އާންމު ޙާލަތަށް ގެނެވޭނެ ކަމަށް ވެސް މިނިސްޓަރ ވިދާޅުވިއެވެ.

ކޫއްޑޫ އެއަރޕޯޓަކީ ދެކުނުގެ އެންމެ މުހިންމު އެއް އެއަރޕޯޓެވެ. މި އެއަރޕޯޓު ބަންދުވުމުން އެ ސަރަޙައްދުގެ ރައްޔިތުންނަށް ދަތުރުފަތުރުގެ ދަތިތަކާ ކުރިމަތިލާން ޖެހޭނެއެވެ. އެހެންކަމުން، މިނިސްޓްރީން މި މައްސަލަ އަވަހަށް ޙައްލުކުރުމަށް މަސައްކަތްކުރާކަމީ އެ ސަރަޙައްދުގެ ރައްޔިތުންނަށް ލިބޭ ހިތްހަމަޖެހުމެކެވެ.