އިސްރާއީލުގެ އިސްތިއުމާރީ ބާރުތަކުން އިއްޔެ ހަވީރު ނަބްލޫސް (ނުވަތަ ނަބްލަސް)ގައި ބައިނަލްއަގްވާމީ އެއްބައިވަންތަކަމުގެ އެކްޓިވިސްޓުންނަށް ހަމަލާ ދިނުމަށް މަސައްކަތް ކޮށްފިއެވެ.

ގަދަބާރުން ފަލަސްތީނަށް ވަދެގެން އުޅޭ ހައްދުފަހަނައެޅި އިސްރާއީލުގެ ފޯސްތަކުން އެރަށަށް ވަދެ، ބައިނަލްއަގްވާމީ 16 އެކްޓިވިސްޓުން ތިބި އިމާރާތެއް ވަށާލާފައިވާ ކަމަށާއި އެމީހުން އެތަނުން ގަދަކަމުން ނެރެން މަސައްކަތް ކުރިކަމަށް ރިޕޯޓުތަކުގައި ވެއެވެ. އަދި މައި ދޮރުތައް ތަޅާލަން މަސައްކަތް ކުރި ކަމަށާއި އިންޒާރު ވެސް ދީފައިވާ ކަމަށް ހަބަރުތައް ލިބެއެވެ.

ފަލަސްތީނު ރައްޔިތަކާ ހަވާލާދީ ރިޕޯޓްކޮށްފައިވާ ގޮތުގައި ބައިނަލްއަޤްވާމީ އެކްޓިވިސްޓުން އެ ރަށަށް ދިޔައީ ނަބްލުސް އަށް ދިޔައީ ދަނޑުވެރިންނަށް އެމީހުންގެ ޒައިތޫނި ގަސްތައް ހޯދުމަށް އެހީތެރިވުމަށެވެ. ސަބަބަކީ އިސްރާއީލުން ގިނައަދަދެއްގެ ޒައިތޫނި ގަސްތައް ކަނޑަމުން ދާތީ އެކަން ހުއްޓުވޭތޯއެވެ.

ނަބްލޫސް އަކީ ފަލަސްތީނުގެ ހުޅަނގު އައްސޭރީގެ އުތުރުގައި އޮންނަ މުއްސަނދި ތާރީޚެއް އޮތް ސިޓީއެކެވެ. މިތަނަކީ ކަންޢާނީންނާއި، ރޯމަނުންނާއި، ބީޒަންޓައިން މީހުންނާއި، އުސްމާނީން ފަދަ އެކި ޙަޟާރަތްތަކުން ދިރިއުޅެމުން އައި ރަށެކެވެ. އެއީ ހުޅަނގު އައްސޭރީގެ އެންމެ ބޮޑު އެއް ސިޓީ އެވެ. މިއީ އިގްތިސާދީ ގޮތުން ކުރިއަރާފައިވާ އަދި ސަގާފީ ބޮޑު މަރުކަޒެއެގެ ގޮތުގައި އޮންނަ ސިޓީއެކެވެ. ނަބްލޫސް އޮންނަނީ ދެ ފަރުބަދައެއް ކަމަށްވާ މައުންޓް އެބަލް އާއި މައުންޓް ގެރިޒިމް އާއި ދެމެދުގައި ކަމަށާއި، މިއީ ތާރީހީ މުސްކުޅި ސިޓީއާއި، ސަގާފީ ސައިބޯނި ފެކްޓްރީތަކާއި، ކްނަފޭ ފަދަ ފޮނި ކާނާ އުފެއްދުމުގެ ސަބަބުން މަޝްހޫރު ރަށެކެވެ.

އިއްޔެ ބައިނަލްއަޤްވާމީ އެކްޓިވިސްޓުންނަށް ނަބްލޫސް ގައި އިސްރާއީލުން ހަމަލާދޭން މަސައްކަތްކޮށް ބިރު ދެއްކިއިރު، އިސްރާއީލު ފޯސްތަކުން ނަބްލޫސްގެ ހުޅަނގު ދެކުނުގައި އޮންނަ ރަށެއް ކަމަށްވާ ޓެލް އަށް އެއްފަހަރާ ކުއްލިޔަކަށް ވަދެގަނެ ކުނަގޭސް ޖަހައި ލައިވް ވަޒަން ބޭނުންކޮށް އާންމުންނާއި ދިމާލަށް ބަޑިޖަހާފައި ވެއެވެ.

އިސްތިއުމާރީ ބާރުތަކުން ކޮންމެ ދުވަހަކު ހުޅަނގު އައްސޭރި ހުރަސްކޮށް ފަލަސްތީނު މީހުން ހޯދުމުގެ ބަހަނާގައި ރޭޑްތައް ހިންގާއިރު، ރައްޔިތުންނާއި ދެކޮޅަށް ހަމަނުޖެހުންތައް ހިންގައި ރައްޔިތުންގެ ތެރެއިން ބަޔަކަށް އަނިޔާ ނުކުރާ އެއްވެސް ދުވަހެއް ނދެއެވެ.

ރިޕޯޓުތައް ބުނާ ގޮތުގައި މި ރޭޑްތައް ކުރިއަށް ގެންދަނީ އިސްރާއީލް އަސްކަރިއްޔާއިން އެއްވެސް އިންޒާރެއް ިނުމެއް ނެތި ކުއްލިޔަކަށެވެ. އެމީހުން އިޚްތިޔާރުކުރާ ކޮންމެ ވަގުތަކު އެ އިޚްތިޔާރުކުރާ ކޮންމެ ތަނަކަށް ވަދެ ބަލައި ފާސްކުރަނީއެވެ.

ހުޅަނގު އައްސޭރީގައި ދިރިއުޅޭ ފަލަސްތީނުގެ 3 މިލިއަނަށް ވުރެ ގިނަ މީހުންގެ ގެތަކަށް ވަދެ މީހުން ހައްޔަރުކުރުމަށާއި ތަންތަން ޗެކުކޮށް ބަލައި ފާސްކުރުމަށް އިސްރާއީލުގެ އަސްކަރީ ގާނޫނުގެ ދަށުން ސިފައިންގެ ކޮމާންޑަރުންނަށް ފުރިހަމަ އެގްޒެކެޓިވް، ލެޖިސްލޭޓިވް އަދި ޝަރުއީ ބާރު ވަނީ ދީފައެވެ.