އިސްރާއީލަށް ވަރަށް އަވަހަށް ހަމަލާ ދޭނެ ކަމަށް ބެލެވޭ ކަމަށް އެމެރިކާއިން ބުނެފައިވާ ދަނޑިވަޅުގައި އީރާނުން އިސްރާއީލަށް ވަރަށް ވަރުގަދަ އިންޒާރެއް ދީފިއެވެ.
އީރާނުން ބުނީ އިސްރާއީލުގެ ކޮންމެ ތަނަކަށް ވެސް އަމާޒު ކޮށްލެވޭނެ ވަރުގެ ގަދަފަދަ ހަތިޔާރުތައް އެޤައުމުގައި އެބަހުރި ކަމަށާއި ، ބޭނުން ކޮންމެ ތަނަކަށް މިސައިލް ހަމަލާތައް ފޮނުވޭނެ ޤާބިލްކަން އެޤައުމުގައި އެބަހުއްޓެވެ. މީގެ އިތުރުން އީރާނުން ބުނީ ހުސްވި ހަފްތާގައި އެޤައުމުން އިސްރާއީލަށް ފޮނުވި މިސައިލް ހަމަލާ ތަކަކީ އިސްރާއީލުން ހަމާސްގެ ކުރީގެ ލީޑަރު އިސްމާޢީލް ހަނިއްޔާ ޝަހީދު ކޮށްލުމުންނާއި އަދި އީރާނުގެ މަސްލަޙަތު ހިމެނޭ އެހެން ފަރާތްތަކަށް ހަމަލާދީ ބޮޑެތި ގެއްލުންތައް ދީފައިވާތީ ދެވުނު ހަމަލާއެއް ކަމަށެވެ. ވީމާ އެކަމާއި ގުޅިގެން ބަދަލު ހިފުމުގެ ގޮތުން އީރާނަށް ހަމަލާ ދީފިނަމަ އިސްރާއީލަށް ވަރަށް ވަރުގަދަ ހަމަލާއެއް ދޭނެ ކަމަށް ވެސް އީރާނުން ބުނެޏެވެ.
ނަމަވެސް މީގެ ކުރިން އީރާނުން ބުނެފައިވަނީ އިސްރާއީލަށް ދިން ހަމަލާ އަކީ ހިޒްބުاللهގެ ލީޑަރު ހަސަން ނަސްރުالله އާއި ހަމާސްގެ ލީޑަރު އިސްމާޢީލް ހަނިއްޔާ ޝަހީދުކޮށްލީތީ ދިން ހަމަލާއެކެވެ. މަސްލަހަތު ހުރި ފަރާތްތަކޭ އޭރަކު ނުބުނެއެވެ.
Advertisement
އެމެރިކާއިން މީގެކުރިން ބުނެފައިވަނީ އީރާނުން ދަނީ ޔަމަނާއި ސީރިއާގެ އިތުރުން ލުބުނާނު މެދވެރިކޮށް އިސްރާއީލަށް ހަމަލާ ދެމުން ކަމަށާއި ސަރަޙައްދީ ނުރައްކަލަކީ އީރާނު ކަމަށް އިސްރާއީލުން ބުނާ ބުނުމަށް އެމެރިކާ އެއްބަސް ވެއެވެ.
